Мицкоски: ВМРО-ДПМНЕ убедливо прва во Брвеница, разликата над четири спрема еден
Автор: Редакција на FinPortal.mk ·
Премиерот и претседател на ВМРО-ДПМНЕ, Христијан Мицкоски, прогласи убедлива победа на неговата партија во првиот круг од превремените избори за градоначалник на општина Брвеница. Според партиските анализи што ги соопшти, кандидатот на ВМРО-ДПМНЕ, Стојанче Радичевски, освоил околу 3.000 гласови, а разликата во однос на конкурентите од СДС е поголема од четири спрема еден. „ВМРО-ДПМНЕ е убедливо прва и има огромна победа во првиот круг на изборите за градоначалник во општина Брвеница. Нашиот кандидат Стојанче Радичевски освои огромно мнозинство гласови, а разликата во однос на нашите конкуренти од СДС е поголема од 4 спрема 1“, изјави Мицкоски по објавувањето на партиските резултати. Тој направи споредба со повторените избори во Маврово и Ростуше, каде што, според него, ВМРО-ДПМНЕ победила со разлика поголема од два спрема еден. „Иако само пред неколку дена раководството на СДС најавуваше убедлива победа во Брвеница, сепак СДС е декласиран од граѓаните и тоа е важна порака од граѓаните до нивното раководство“, порача Мицкоски. Според партиските анализи што ги соопшти премиерот, Радичевски освоил околу 3.000 гласови, кандидатот на ДУИ нешто повеќе од 2.100 гласови, додека на третото место е кандидатот на ВЛЕН, а на четвртото место кандидатот на СДСМ. Независниот кандидат поддржан од Левица, според Мицкоски, освоил околу 50 гласови. Мицкоски рече дека, поради поголемиот број кандидати, најверојатно ќе има втор изборен круг, во кој се очекува да се соочат кандидатите на ВМРО-ДПМНЕ и ДУИ. Тој го оцени резултатот како политичка порака што го надминува локалното значење на изборите и, според него, гласањето претставува потврда на поддршката за политиките на ВМРО-ДПМНЕ и на Владата. „Од волјата на народот нема бегање и тој е неприкосновен судија“, рече премиерот, заблагодарувајќи им се на граѓаните што гласале, како и на учесниците во организацијата на изборниот процес. Во обраќањето Мицкоски најави продолжување на владините инвестиции во општините, вклучувајќи патишта, вод