Мицкоски: Секој ден легнувам и станувам со прашањето дали успеваме и дали можеме подобро
Автор: Редакција на FinPortal.mk ·
Премиерот Христијан Мицкоски изјави дека секојдневно размислува дали Владата успева да одговори на потребите на граѓаните и дали може да направи повеќе, нагласувајќи дека е подготвен да даде сè од себе за да ја реши секоја мака на народот. Тој ова го порача за време на чествувањето на 11 Октомври, каде говореше за предизвиците со кои се соочува Владата, состојбата во државата и очекувањата на граѓаните. „Секој ден легнувам и станувам со прашањето дали успеваме и дали можеме подобро“, изјави Мицкоски, признавајќи дека е тешко да се одговори на сите проблеми со кои се соочуваат граѓаните и дека секојдневно размислува дали Владата прави доволно. Премиерот посочи дека иако гласно не зборува за тоа, тој сочувствува со секоја тешка судбина која ја слуша низ разговори или медиуми. „Точно е дека е многу тешко, иако гласно не зборувам за тоа што го сочувствувам со секоја тешка судбина која ја слушам низ разговори, или медиуми. Би дал сè од себе за да можам да го решам секое прашање и мака којашто ја има народот. Сигурен сум дека може повеќе“, рече Мицкоски. Тој истовремено изрази уверување дека Владата постигнува резултати, нагласувајќи дека според него се вложуваат максимални напори за спроведување реформи и подобрување на состојбите во државата. „Но исто така, сигурен сум дека успеваме и го даваме последниот атом од силата да направиме многу повеќе, да донесеме ред во безредието, да донесеме реформи во хаосот што го затекнавме, да подигнеме цврст дом на темелите кои одново ги зидавме, и во таа наша борба резултатите почнуваат да стануваат видливи“, изјави премиерот. Мицкоски оцени дека Владата работи во исклучително тешки услови, за кои ги посочи наследените проблеми во институциите и актуелните глобални кризи. „Да создадеш успех ако имавме нормален систем, ќе беше лесно. Но да направиш раст во буре и руиниран систем каков наследивме, и во епска светска криза, каква имаме денес и каква живееме, пеколно е тешко“, рече тој. Премиерот порача дека резултатите од работата на Вл