Мицкоски: Нема да отстапиме од политиката на најниски цени за горивата
Автор: Редакција на FinPortal.mk ·
Премиерот Христијан Мицкоски изјави дека државата останува посветена на политиката на најниски цени за горивата, со цел заштита на стандардот на граѓаните, и покрај светските предизвици во снабдувањето со нафтени деривати. Изјавата беше дадена на прес-конференција во Владата, по потпишувањето на Договорот за нова инвестиција на компанијата „Кромберг и Шуберт“, каде премиерот одговараше на новинарско прашање поврзано со предупредувањата на Меѓународната агенција за енергетика за можен недостиг на дизел гориво во светски рамки. Според информациите што премиерот ги добил од трговците со нафта и нафтени деривати, до крајот на годината не треба да се очекува недостиг на дизел гориво. Мицкоски нагласи дека неофицијално, во приватни разговори, трговците му потврдиле дека немаат проблеми во снабдувањето ниту за следната година. „Од она што го имам како повратна информација од трговците, до крајот на годината ние не треба да стравуваме за каков било недостиг. Напротив, исто така неофицијално во приватни разговори од нив ни беше потврдено дека немаат проблеми и за следната година, односно ќе немаат проблеми ниту за следната година“, рече Мицкоски. Премиерот потенцираше дека во светот ова претставува епски предизвик, нешто за кое, како што рече, зборува неколку месеци наназад. Тој посочи дека државата останува на политиката на најниски цени за горивата, пред сè за дизел горивото и безоловниот 95 и 98 октански бензин. „Ние како држава остануваме на политиката на најниски цени за горивата, тука пред сè мислам на дизел горивото и безоловниот 95 и 98 октански. Сега веќе сме речиси од сите соседи поевтини за половина евро по литар. Тоа носи свои предизвици, носи свои стравувања, се разбира, но, исто така цениме дека стандардот на граѓаните за нас е императив и наша цел е да го заштитиме онолку колку што можеме. Тоа го правиме и така ќе продолжиме да се однесуваме“, потенцираше Мицкоски. Во однос на предупредувањата на Меѓународната агенција за енергетика за можен недостиг на дизел