Мицкоски ја напушти пленарната сала на ОН по говорот на Трамп, следејќи ги Меланија и Рубио
Автор: Редакција на FinPortal.mk ·
Македонскиот премиер Христијан Мицкоски ја напушти пленарната сала на Генералното собрание на Обединетите нации веднаш по завршувањето на говорот на американскиот претседател Доналд Трамп, покажаа директните преноси од седиштето на светската организација. Според она што беше видливо во преносот, Мицкоски побрзал да стане од своето место од каде што го следел обраќањето на американскиот претседател и речиси во чекор го следел државниот секретар на САД, Марко Рубио, кој исто така ја напушти салата. Пред македонскиот премиер и пред Рубио, пленарната сала ја напушти сопругата на американскиот претседател, Меланија Трамп. По нив, како што беше видливо во преносот, заминале и други државници кои присуствувале на обраќањето. На загарантираните места предвидени за американската делегација, покрај Меланија и Рубио, бил присутен и амбасадорот на САД во ОН, Мајк Волц, заедно со неколку дипломати. Говорот на Трамп на Генералното собрание траел 30 минути, што е 15 минути помалку од неговиот лански говор пред истиот форум. Во своето обраќање американскиот претседател од говорницата упатил закана кон Иран дека ќе го уништи. Во моментот кога ја нападнал Куба, делегацијата на таа држава ја напуштила салата, што претставува уште еден показател за тензиите што го проследиле неговиот настап. По Трамп, пред Генералното собрание зборувал јорданскиот крал Абдула Втори, кој оценил дека акциите на Израел на Западниот Брег претставуваат обид за раселување на Палестинците. Тој силно го нагласил правото на Палестинците на своја држава и ги осудил постапките на Израел. Останува непознато дали македонскиот премиер се вратил во пленарната сала за да го следи обраќањето на јорданскиот крал. Настанот во њујоршката сала на ОН доаѓа во момент кога македонската делегација предводена од Мицкоски учествува на најголемиот дипломатски собир во годината, каде што светските лидери ги претставуваат своите позиции пред глобалната заедница. Напуѓањето на салата по говорот на американскиот претседател, во чекор