Мек Грегор најавува враќање пред летото 2027 година и бара противник од светска класа

Поранешниот шампион во две категории на УФЦ, Конор Мек Грегор, веќе размислува за следната борба, и покрај тоа што продолжува да заздравува од операцијата на стапалото. Ирецот откри дека се надева оти ќе се врати во октагонот пред летото 2027 година, но ги предупреди потенцијалните противници дека нема намера да прифаќа предизвици од борци без сериозни достигнувања.

Триесет и осумгодишниот Мек Грегор беше опериран пред три месеци, откако се повреди во последната борба против Макс Холовеј. Тој ја загуби таа борба откако повредата го спречи да продолжи, но верува дека може повторно да се опорави во рок од девет месеци. „Ќе се вратам. Сега е ноември, нели? Поминаа три месеци од операцијата. Имав слична повреда претходно, а потоа се вратив по девет месеци. Ако сè оди според планот, ќе бидам подготвен пред летото. Само сакам да се вратам во октагонот“, рече Мек Грегор.

Сепак, Ирецот има специфични барања за следниот противник. Инсистира да се соочи со докажано име во светот на ММА и нема желба да им даде шанса на борците кои, според него, бараат популарност на негова сметка. „Ако не си светски шампион, ако немаш светски титули, дури и не го споменувај моето име. Ако си бил само национален или регионален шампион, ако не си постигнал ништо сериозно и имаш неколку лајкови на социјалните мрежи, држи се подалеку од мене. Не го споменувај моето име додека не станеш борец од светска класа“, порача Мек Грегор.

Претстојното враќање може да биде и последното појавување на Мек Грегор во УФЦ. Според неговиот тековен договор со организацијата, останува само уште една борба, по што Ирецот планира да го насочи вниманието кон боксот со голи раце. Мек Грегор е косопственик на БКФЦ и веќе изрази интерес за можноста самиот да се натпреварува во организацијата. Таквиот потег би отворил нова етапа во неговата кариера, откако многу години беше една од најголемите ѕвезди на УФЦ.

Досега официјално не е објавен ниту еден датум ниту противник за неговото враќање. Сепак, самиот Мек Грегор очигледно нема намерa да прекине со боречките спортови и веќе е насочен кон следниот предизвик. Неговите услови јасно ставаат до знаење дека тој сака враќањето да биде на највисоко ниво, со противник чија репутација одговара на неговата.