Мбапе стигна до 100 гола за Реал за само 116 натпревари — само четворица биле побрзи

Килијан Мбапе го постигна јубилејниот 100-ти гол во дресот на Реал Мадрид, откако францускиот напаѓач беше двоен стрелец во победата од 2-1 над Барселона во Ел Класико одиграно на „Камп Ноу“. Тој дојде до оваа бројка во својот 116-ти официјален натпревар за „кралскиот клуб“, што го прави еден од најбрзите стрелци во историјата на клубот.

Според податоците, само четворица фудбалери во историјата на Реал Мадрид стигнале до 100 гола побрзо од Мбапе. Ференц Пушкаш тоа го направил на 101 натпревар, Кристијано Роналдо на 105, додека Паињо и Алфредо Ди Стефано до јубилејот стигнале на 114 натпревари. Мбапе, со 116 натпревари, се наоѓа веднаш зад оваа легендарна четворка.

Французинот му донесе водство на Реал во 41-та минута, кога топката се одби од него и заврши во мрежата по неуспешното расчистување на Жерар Мартин. Барселона израмни со голот на Рафиња, а Мбапе го постигна победничкиот гол во 87-та минута, по додавање од Едуардо Камавинга.

Од вкупно 100-те гола на Мбапе за Реал, 67 беа постигнати во Ла Лига, 25 во Лигата на шампионите, четири во Кралскиот куп, два на Светското клупско првенство и по еден во двата Суперкупа. Во својата прва сезона во Мадрид тој постигна 44 гола, во втората 42, а оваа сезона веќе има 14.

Во тој период, Мбапе освои два трофеи Пичичи, наградата за најдобар стрелец во Ла Лига, и една Златна копачка за најдобар стрелец во Европа. Со оглед на неговата форма и темпото на постигнување голови, францускиот напаѓач продолжува да ги запишува своето име покрај најголемите легенди на клубот.