Манасиевски: Филипче со ставовите за уставните измени делува како бугарски амбасадор
Автор: Редакција на FinPortal.mk ·
Портпаролот на ВМРО-ДПМНЕ, Валентин Манасиевски, денеска на прес-конференција го обвини лидерот на СДСМ, Венко Филипче, дека зазема позиции за европските интеграции на Македонија кои целосно се совпаѓаат со ставовите на официјална Софија. Според Манасиевски, Филипче е подготвен на нови отстапки само за да дојде на власт, а неговото однесување го опиша како настап во улога на бугарски амбасадор. „Филипче во улога на бугарски амбасадор договара ново предавство на Македонија во интерес на Румен Радев, сметајќи дека така ќе дојде на власт“, изјави Манасиевски на денешната прес-конференција. Тој оцени дека официјална Софија и лидерот на СДСМ имаат ист став за условите за отворање на преговорите со Европската Унија, односно дека е потребно внесување на Бугарите во македонскиот Устав. Според портпаролот на ВМРО-ДПМНЕ, Филипче не ги поддржува реформите од Реформската агенда и примената на Копенхашките критериуми како основа за напредокот на Македонија кон членство во ЕУ. „Филипче им кажува јасно на граѓаните дека отворањето на преговорите и поглавјата со ЕУ не треба да се одвива преку спроведување на реформите од Реформската агенда, ниту, пак, процесот да се води според Копенхашките критериуми. А токму тие критериуми важат за секоја држава, па треба да важат и за нас“, рече Манасиевски. Тој додаде дека, според ВМРО-ДПМНЕ, Филипче и СДСМ сметаат дека за напредок кон ЕУ е потребна нова отстапка, за која тврди дека би ги засегнала македонскиот идентитет, интегритет и достоинство. Манасиевски го поврза актуелниот став на СДСМ со политиките на поранешниот премиер Зоран Заев, обвинувајќи ја партијата дека е подготвена да се откаже од важни историски и идентитетски прашања за да ги задоволи барањата на бугарските политичари. „Како што се откажаа од Цар Самуил и од светите браќа Кирил и Методиј, Филипче и СДСМ, по стапките на Зоран Заев, ќе се откажат од сè само за да им удоволат на оние што ги уценуваат, а тоа се токму бугарските политичари“, изјави портпаролот на ВМРО-ДПМНЕ. Обви