Македонските ракометарки ја совладаа и Хрватска и турнирот „Трофеј Македонија“ го завршија со две победи
FinPortal.mk · 26.9.2026 г.
Женската ракометна репрезентација на Македонија победнички го заврши својот настап на турнирот „Трофеј Македонија“ во Охрид, откако во последниот натпревар беше подобра и од Хрватска со резултат 25-22. Со оваа победа македонската селекција го заокружи настапот на домашниот турнир со две победи и еден пораз, со што заврши како второпласирана. Уште од самиот старт на дуелот против Хрватска, македонските ракометарки наметнаа високо темпо и го отворија натпреварот со серија од 3-0. Во првиот дел црвено-жолтите во повеќе наврати имаа предност од пет голови, а токму со таа разлика заминаа и на пауза, при резултат 14-9. Сепак, вториот дел донесе пресврт во играта. Хрватска го отвори подобро, врза четири гола и се доближи на само еден гол негатива. Во самиот финиш Хрватска стигна и до израмнување, но немаше ниту сили, ниту доби шанса од македонските ракометарки целосно да го комплетира пресвртот. Македонија на крајот со три врзани гола заслужено се радуваше на победата. Така, нашата селекција овој турнир го заврши со две победи над Србија и Хрватска и пораз од Црна Гора, со што завршија како второ пласирани. Овие три натпревари беа и првите на новиот селектор на Македонија, Игор Марковиќ, кој ќе ги предводи нашите репрезентативци на европскиот шампионат во ноември месец. Натпреварот против Хрватска беше последен за македонските ракометарки на турнирот во Охрид, кој се покажа како значајна проверка пред претстојниот европски шампионат. Победата над Хрватска, селекција која важи за сериозен ракометен предизвик, дополнително ја зацврстува самодовербата во редовите на македонската репрезентација пред ноемвриските натпревари. Турнирот „Трофеј Македонија“ во Охрид собра четири селекции, а македонските ракометарки покажаа дека можат рамноправно да се носат со силни противници. Поразот од Црна Гора остана единствениот кикс на домашниот терен, но победите над Србија и Хрватска ја потврдија формата на тимот во периодот кога се подготвува за најголемиот предизвик оваа година. Новиот с