Луксузен крузер го прекина патувањето околу светот — патниците заглавени во Камбоџа поради високите трошоци за гориво

Луксузниот крузер „Вила Вие Одисеј“, кој беше во повеќегодишно патување околу светот, ги прекина операциите поради исклучително високите трошоци за гориво, соопшти неговиот оператор со седиште во САД. Патниците останаа заглавени во Камбоџа, а компанијата наведе дека работи со нив на планови за искрчување и „привремени решенија за сместување“.

Не е јасно колку патници имало на бродот, но пловилото со должина од речиси 200 метри може да прими до 650 патници. „Вила Вие Одисеј“ исплови од Белфаст во октомври 2024 година на „континуирано патување околу светот“. Според податоците на компанијата, патувањето требало да трае 3,5 години и да опфати речиси 150 земји.

Операторот објасни дека глобалните цени на горивото значително пораснале откако започнала војната со Иран порано оваа година. Месечниот трошок за гориво по кабина во делови од Азија се искачил на дури 8. 000 долари, наспроти 1. 800 долари претходно.

Сепак, тие мерки се покажале недоволни за да го „неутрализираат исклучителниот раст на трошоците за гориво“. „Пренесувањето на целото зголемување врз жителите не е реално решение“, соопшти компанијата. Таа најави дека следните 60 дена ќе ги посвети на „реструктуирање и рекапитализација“, но додаде дека „ниту еден исход не е загарантиран“.

Бродот беше повеќе од 750 дена во своето кружење околу светот кога во вторникот беше објавен прекин на патувањето, што значи дека патниците сега остануваат заглавени во Камбоџа. Според веб-страницата на компанијата, „Вила Вие Одисеј“ располага со неколку барови и ресторани, палуба со базен и терен за пиклбол. Постојаните престојувалишта во кабините чинат меѓу 120.000 и 440.000 долари, а кабините можат да се изнајмат и од 3.500 долари месечно. Според „Блумберг“, кој се повикува на основачот на крузерскиот оператор, на бродот имало околу 200 патници кога било наредено да се искрчат во Камбоџа.