Луис Енрике пред дербито со Манчестер Сити: Трофеите освоени на теренот не можат да се одземат во судница
Автор: Редакција на FinPortal.mk ·
Шпанскиот стручњак Луис Енрике ја искористи прес-конференцијата пред претстојното европско дерби меѓу Манчестер Сити и Пари Сен Жермен во второто коло од Лигата на шампиони за да испрати јасна порака до англиската јавност во врска со судскиот спор што се води против актуелниот англиски шампион. Додека голем број поранешни фудбалери и познати имиња од англискиот фудбалски етер во изминатите две недели даваа остри изјави и бараа драконски казни за клубот од Манчестер, Луис Енрике допатува во Англија со сосема поинаков став. „Титулите освоени на теренот, остануваат на теренот. Тие заслужија да ги освојат и јас искрено се надевам дека ќе успеат да ја избегнат санкцијата. Сепак, како и сите останати, ќе мора да почекаме за завршната пресуда“, изјави Луис Енрике во најавата за големиот натпревар. Шпанскиот тренер дополнително ја образложи својата позиција, нагласувајќи дека околу големите клубови секогаш има многу врева и дека конечната одлука треба да ја донесат надлежните институции. „Околу големите клубови секогаш има многу врева. Тие треба да ја почекаат конечната одлука од надлежните институции. Мораме да почекаме и се надевам дека сè ќе заврши добро за Манчестер Сити, бидејќи она што го постигнаа на теренот во изминатите седум години е неверојатно. Според мене, тие заслужија да го освојат секој трофеј што го имаат во своите витрини. Мораме да почекаме и да видиме што ќе кажат судиите“, додаде тој. Изјавата на Луис Енрике доаѓа во момент кога англиската фудбалска јавност е поделена околу случајот против Манчестер Сити. Клубот има право на жалба, но и покрај тоа, голем број еминентни имиња веќе зборуваат за пресудата на Премиер лигата и даваат препораки за тоа какви казни треба да заработи клубот од „Етихад“. Меѓу последните што се огласија беше легендарниот англиски фудбалер Стивен Џерард, кој предложи низа драконски мерки што треба да се преземат против повеќекратните шампиони на Англија. За разлика од бурните реакции што пристигнуваат од Островот, Луис Енрике избра