Лоренцо со остра изјава: Роси повеќе не припаѓа на елитната маса на најдобрите во мотоциклизмот

Поранешниот петкратен светски шампион во мотоциклизам, Хорхе Лоренцо, предизвика вистински потрес во падокот на Мото ГП со својата најнова изјава, дадена само еден ден откако Валентино Роси го нападна Марк Маркез. Шпанецот, кој во минатото беше тимски колега на Роси во Јамаха, денеска отворено го исклучи Италијанецот од дебатата за најдобар возач на сите времиња, тврдејќи дека легендата повеќе нема место на „елитната маса“.

Говорејќи за „ТНТ Спортс“, Лоренцо се осврна на ситуацијата во која Марк Маркез се наоѓа на чекор до освојување на својата историска десетта светска титула. Според него, доколку Маркез истата официјално ја потврди за две недели во Португалија, Роси ќе остане трет на вечната ранг листа во мотоциклизмот.

Доколку Маркез ја запечати титулата на викендот во Португалија, тој ќе стигне до својот осми трофеј во кралската класа, односно вкупно десет во кариерата, со што официјално ќе го надмине Роси, кој остана на седум титули во најсилната категорија, односно вкупно девет.

„Со такво сценарио, дефинитивно ќе се отвори вистинска дебата за тоа дали Маркез или Џакомо Агостини е најдобриот на сите времиња. Според мене, доколку Марк ја освои оваа десетта титула, тој несомнено ќе биде најдобриот во модерната ера. Роси не може да седне на иста маса со него и Агостини за најдобар на сите времиња“, порача Лоренцо.

Изјавата на Шпанецот доаѓа во момент кога тензиите меѓу поранешните ривали повторно се разгоруваат. Само еден ден претходно, Валентино Роси го нападна Марк Маркез, а Лоренцо, кој добро ги познава внатрешните односи во Јамаха од времето кога беше тимски колега на Италијанецот, реши отворено да застане на страната на актуелниот лидер во борбата за титулата.

Со оваа изјава Лоренцо фактички ја запали сцената во Мото ГП, ставајќи го под знак прашање легатот на Роси како еден од најголемите во историјата на спортот. Доколку Маркез навистина ја потврди десеттата титула во Португалија, дебатата за најдобар возач на сите времиња ќе добие сосема нова димензија, а Роси ќе се најде во ситуација во која, според Лоренцо, повеќе не може да седи на иста маса со Маркез и Агостини.