Левица: Ребалансот речиси целосно ги брише парите за гасификација, Министерството за енергетика останува без две милијарди денари
Автор: Редакција на FinPortal.mk ·
Според најновиот предлог-ребаланс на буџетот, средствата наменети за Министерството за енергетика, рударство и минерални суровини се намалуваат за речиси две милијарди денари, тврди партијата Левица. Од таа партија оценуваат дека најголемото кратење е токму кај гасификацијата, област од која, како што велат, се очекува да придонесе за посигурно снабдување и подостапна енергија. Според податоците што ги изнесува Левица, од првично планираните 1.897.020.000 денари за гасификација во буџетската потпрограма остануваат само 12.020.000 денари. Тоа намалување изнесува 99,4 отсто и практично ја сведува оваа буџетска ставка на минимум. Партијата наведува и дека за 2027 и 2028 година се проектираат по 64,2 милиони денари годишно, износи што се далеку под досегашниот план за 2026 година. Од Левица сметаат дека ваквата одлука е во спротивност со најавите за стручност во енергетиката. „За власт што ја истакнува својата стручност во енергетиката, ваквата одлука покажува всушност колку нивната стручност е непостоечка и несериозна“, се наведува во соопштението на партијата. Оттаму поставуваат прашање со каква динамика ќе продолжат предвидените активности за изградба на гасификациската инфраструктура, имајќи ги предвид намалените средства. Партијата бара од Владата и од Министерството за енергетика, рударство и минерални суровини да објаснат како ваквото кратење се вклопува во најавените енергетски планови и со каква динамика ќе продолжат предвидените активности. „Од Владата и Министерството се очекува да покажат како оваа лицемерна одлука се вклопува во нивните енергетски планови. Ако гасификацијата останува приоритет, тоа мора да се види во обезбедените средства, роковите и реализацијата“, велат од Левица. Во соопштението се нагласува и дека „нема изградба без пари, нема инфраструктура без инвестиции, а нема сериозна енергетска политика со буџетски ставки што се бришат за 99,4 отсто“. Од партијата го споменуваат и името на министерката Сања Божиновска, со порака дека таа не може и