ЛДП повикува граѓаните да купат гориво пред вечерашното поскапување и бара итни мерки од Владата
Автор: Редакција на FinPortal.mk ·
Либерално-демократската партија (ЛДП) денеска упати остра реакција поради новиот бран поскапувања на горивата што се очекуваат уште вечерва, повикувајќи ги граѓаните да го искористат преостанатото време и да купат гориво пред да стапат на сила новите цени утре. Од партијата порачаа дека Владата „комотно набљудува како се уништува економијата и се празнат џебовите на граѓаните и бизнисите“, наместо да преземе одговорност и да понуди решение. Според ЛДП, цените на горивата растат поради војната во Блискиот Исток во која Македонија воопшто не учествува, но за разлика од сите европски земји, оваа влада не сака да признае дека војувањето води до лудо зголемување на цените кои го уриваат стандардот и директно го осиромашуваат народот. Од партијата оценија дека популистичката манипулација е прочитана приказна на оваа влада, која според нив докажува дека нема ни знаење ни капацитет да се справи со руинираната куповна моќ на македонскиот граѓанин. „Ако владата е толку неспособна сама да понуди решение, барем нека ја послуша ЛДП и веднаш да ги усвои итните мерки за заштита“, порачаа од партијата. Тие бараат итна имплементација на предлогот на ЛДП за поврат на ДДВ за горивата ексклузивно за македонските граѓани и домашни бизниси, а не за транзитерите и соседите. Според ЛДП, крајно време е функционерите да излезат од комфорната зона на своите фотелји и да се прошетаат меѓу народот по градовите, селата, нивите, фабриките, меѓу младите, пензионерите и работниците, за да видат дека со овие цени се живее прескапо. Партијата упати јасна препорака до сите граѓани да го искористат времето и да купат гориво уште вечерва пред да стапат на сила новите поскапувања утре, бидејќи, како што велат, оваа власт нема да го полни празниот џеб на народот. ЛДП порачува дека не смее да се дозволи народот да биде жртва на функционерска некомпетентност. Реакцијата на ЛДП доаѓа во момент кога домаќинствата и бизнисите се соочуваат со дополнителен притисок врз буџетите поради повисоките цени на енергенс