ЛДП: Институциите целосно пропаднаа, случајот со Ива Михајлова е огледало на системот без правда
Автор: Редакција на FinPortal.mk ·
Либерално-демократската партија (ЛДП) изрази длабока огорченост поради, како што оценува, секојдневните скандали што ја потресуваат македонската јавност и што укажуваат на натамошно пропаѓање на државните институции и на градење систем на неправда. Партијата реагираше на случајот со Ива Михајлова, кој, според неа, е показател за целосниот крах на функционирањето на институциите во земјата. Од ЛДП нагласуваат дека случајот со Михајлова го апстрахираат од етничкиот предзнак и дека нема да ѝ дадат простор на она што го нарекуваат зовриени национал-шовинистички глави во регионот да си прават етно-популистички кампањи врз човечки трагедии. Според партијата, пораките што доаѓаат од Софија се скандалозни и грозни и говорат за земја во која постои целосно помрачување кога станува збор за владеење на правото, а уште помалку за европски систем на правда. ЛДП оценува дека Михајлова сега треба да биде гонета за ново кривично дело и дека скандалот со тоа би бил уште поголем. Партијата тврди дека нејзиниот адвокат извршил кривични дела и пред бугарската и пред македонската правда со јавната изјава дека си ја зеле судбината во свои раце. Од ЛДП тоа го опишуваат како правна хаварија и како вистинска трагедија во Македонија. Според партијата, вистинската трагедија е тоа што целосниот крах на функционирањето на институциите довел до тоа лице осомничено за предизвикување смртни последици во сообраќајна несреќа, наместо да се соочи со правдата и да ги почитува судските забрани, да добие статус на наводна жртва и шоу-ѕвезда, како од некое одвратно евтино реално шоу. Од ЛДП велат дека нема човек во Македонија кој не е згрозен од фактот што вакво нешто воопшто било возможно. Партијата потсетува дека живееме во држава во која би требало да има функционална полиција, безбедносни камери на граничните премини и служби што осигуруваат дека лица на кои им се одземени пасошите и имаат забрани за излез ќе бидат достапни на органите. Ако сето тоа е нефункционална фарса, пораката е кристално јасна: