Кругман: Франција можеби стана преголема за спасување од ЕЦБ
Автор: Редакција на FinPortal.mk ·
Франција се наоѓа на „фискално неодржлив пат“ и можеби станала преголема за спасување од Европската централна банка, оценува економистот Пол Кругман во својот блог на Substack. Според него, земјата се соочува со растечки камати на државниот долг, а високиот сооднос долг-БДП дополнително се влошува поради големите буџетски дефицити. Кругман како клучен проблем ја наведува неспособноста на Франција да се справи со релативно ниската возраст за пензионирање додека населението старее. „Потпирањето на Франција на еврото значи дека е премногу лесно да се види како оваа загуба на доверба може да се претвори во грда криза... Овој филм го гледавме во 2009-2012 година, прво во Грција, потоа во Португалија, Шпанија и Италија“, напиша Кругман, осврнувајќи се на должничката криза што доведе до обемна интервенција на ЕЦБ. Тој го опишува механизмот на зачаран круг: инвеститорите престануваат да купуваат обврзници на една земја од еврозоната, што го зголемува стравот дека владата ќе биде принудена на неисплаќање, а тоа води до уште поголем бег на капитал и повисоки каматни стапки. Според Кругман, познатата изјава на тогашниот претседател на ЕЦБ, Марио Драги, од 2012 година дека банката ќе направи „сè што е потребно“ за да спречи национални неисплаќања, била прифатена во голема мера затоа што јужноевропските земји спровеле масивни намалувања на трошоците. Спасувањето на Франција би било „исклучително скапо“ за ЕЦБ и политички спорно, сè додека земјата се движи „уште подалеку од фискална одговорност“, смета тој. „Франција можеби ја премина линијата од преголема за пропаѓање во преголема за спасување. Накратко, премногу е лесно да се опише навистина грда сценарија за француска криза што би била исклучително разединувачка во Европа“, напиша Кругман. Поранешниот претседател на ЕЦБ, Жан-Клод Трише, во изјава за CNBC ги повика француските политичари да најдат компромис за намалување на дефицитот на втората најголема економија во ЕУ. „Топката е во теренот на француската влада и парламентот,