Кога е вистинскиот момент да ја откриете платата пред партнерот?
Автор: Редакција на FinPortal.mk ·
Пари се една од најнезгодните теми во врските. Ако ја отворите премногу рано, може да звучи како да ја проверувате банкарската состојба на партнерот. Ако пак чекате предолго, може да испадне дека планирате заедничка иднина без воопшто да ги знаете неговите финансии. Новинската куќа BBC разговараше со луѓе на возраст од дваесет и неколку години во Њујорк за да открие дали постои вистински момент за разговор за плата. Вили Мортон, 25-годишна вработена во технолошка продажба, смета дека паровите воопшто не мора да си ги откриваат платите. „Тоа е само бројка, а можеш да процениш колку некој заработува врз основа на тоа како живее и колку троши“, вели таа. Со своето момче разговарала дека самата не заработува многу, но не го прашала колку заработува тој. Тој е основач на компанија и, иако неговиот приход варира, таа знае дека заработува повеќе од неа. Нивните состаноци вообичаено чинат околу 200 долари, а тој најчесто плаќа, додека таа ги покрива помалите сметки, како кафето. „Постои непишано правило дека тој ќе ги плати поголемите сметки“, објаснува Вили. За многумина постои јасна граница кога се разговара за плата, навики за трошење и долгови, а тоа е моментот кога парот станува официјален. Алекса Лудато, 25-годишна вработена во осигурување, вели дека таков разговор би го водела само кога веќе е официјално со некој. Претходно би сакала да има претстава каква работа работи партнерот, но не и колку заработува. Нејзиниот пријател Вик Сандерај, 22 години, се согласува и смета дека за плата треба да се разговара само во сериозна врска. Прашање за плата на првите неколку состаноци му изгледа „малку лудо“. „Ако ме прашаат, би бил искрен, но јас не би го отворил тоа прашање“, вели тој, додавајќи дека ако неговата партнерка навистина сака да ја знае неговата плата, „тоа веројатно значи дека таа не е вистинската личност за мене“. Дваесет и шестгодишната Бриџет Шурдут, која работи во продажба, вели дека би било „неверојатно чудно“ ако некој ја праша за плата во првите неколку сос