Кина предводи во AI соработката меѓу земјите од БРИКС

Кина ќе ја преземе водечката улога во поттикнувањето на соработката и развојот во областа на вештачката интелигенција меѓу земјите со економии во развој. Ова го изјави претседателот Си Ѓинпинг на самитот на БРИКС во Њу Делхи, објави CNBC.

Според соопштението на кинеското Министерство за надворешни работи, Кина ќе биде пионер во воспоставувањето на заедница за отворен код за вештачка интелигенција во рамките на БРИКС. Планот предвидува поддршка за соработка во развојот и примената на големи јазични модели, како и организирање на семинари и обуки за вештачка интелигенција со цел изградба на отворен AI екосистем.

Овие предлози доаѓаат во момент кога секторот за вештачка интелигенција доживува забрзан раст, а компаниите објавуваат сè помоќни модели со голема брзина. Истовремено, самата вештачка интелигенција е под зголемен надзор. Еден истражувач кој работел во OpenAI и Anthropic оваа недела изјави дека многу луѓе во индустријата веруваат оти вештачката интелигенција би можела да го уништи целото човештво до крајот на деценијата. Си Ѓинпинг не се осврна на тековната дебата за безбедноста на вештачката интелигенција.

БРИКС е основан во 2009 година како противтежа на западната доминација и првично го сочинуваа Бразил, Русија, Индија, Кина и Јужна Африка. Подоцна, блокот се прошири и со Египет, Етиопија, Индонезија, Иран и Обединетите Арапски Емирати.