Излезноста во Брвеница до 11 часот порасна на 13,82 отсто, за 4,71 процентен поен повеќе од првиот круг
Автор: Редакција на FinPortal.mk ·
Во вториот круг од гласањето за избор на градоначалник во Општина Брвеница, излезноста до 11 часот изнесува 13,82 проценти, што е за 4,71 процентен поен повеќе отколку во истиот период пред две недели. Според податоците што ги соопшти претседателот на Државната изборна комисија Бојан Маричиќ, од вкупно запишаните 16.256 гласачи, до 11 часот гласале 2.245 граѓани на сите 24 избирачки места во општината. Маричиќ денес, заедно со членови на Државната изборна комисија, во рамки на вториот круг посети три избирачки места во Општина Брвеница, по што беше одржана и прес-конференција за медиумите. Тој со заклучок од теренската посета истакна дека гласачите слободно и без сериозни проблеми излегуваат на гласање, а за тоа, според него, укажува и самата излезност. „До 11 часот на денешниот ден податоците од сите 24 избирачки места се дека излезноста изнесува 13,82 проценти, односно дека од вкупно запишаните 16.256 гласачи до 11 часот гласале 2.245 граѓани. Најголема излезност до 11 часот се забележува во избирачкото место 2044 (во селото Стенче), 22,12 проценти, додека најмала на избирачкото место 2047 (во Теново) каде има 5,33 проценти“, изјави Маричиќ пред медиумите. Споредувајќи ги податоците со првиот круг, претседателот на ДИК посочи дека излезноста во 11 часот е зголемена за 4,71 процент. „Тогаш пред две недели во овој период 11 часот гласале 1.480 гласачи или 9,11 проценти од вкупниот број на запишани гласачи, сега се 13,82 отсто односно 2.245“, рече Маричиќ, потврдувајќи го растот на излезноста во вториот круг од локалните избори. Во однос на заштитата на личното избирачко право, Маричиќ информираше дека до 11 часот до Државната изборна комисија е доставен еден приговор, кој е усвоен и на гласачот му е овозможено да го оствари своето право на глас. Со тоа, како што беше наведено, досегашниот тек на гласањето во Општина Брвеница се одвива без поголеми пречки, а граѓаните во континуитет излегуваат на избирачките места. Теренската посета на членовите на ДИК и прес-конфере