ИОРРСМ одбележа 20 години од основањето со свечен настан во Филхармонија
Автор: Редакција на FinPortal.mk ·
Институтот на овластени ревизори на Република Северна Македонија (ИОРРСМ) годинава одбележува значаен јубилеј — 20 години од своето основање на 27 мај 2006 година. По тој повод, на 6 октомври 2026 година, Институтот организираше свечен настан во Филхармонија на Република Северна Македонија, посветен на досегашниот развој на ревизорската професија, нејзината улога во економскиот систем, како и на предизвиците и можностите што ја очекуваат професијата во иднина. Дваесет години по основањето, јубилејот претставува можност за осврт кон патот кој го помина Институтот, неговиот придонес во развојот и унапредувањето на ревизорската професија, но и кон идните насоки во услови на динамични промени во економијата, технологијата и регулаторното опкружување. Свечената програма ја отвори претседателот на ИОРРСМ, м-р Ненад Тортевски, со обраќање посветено на значењето на јубилејот и развојот на Институтот во изминатите две децении. Особено значаен дел од програмата беше учеството на г-дин Lee White, извршен директор на Меѓународната федерација на сметководители (IFAC), кој преку виртуелно обраќање ја презентираше темата „Defining forces for the future of the accountancy profession and what IFAC is responding to them“. На настанот се обрати и г-ѓа Јелена Мисита, претседавач на одборот на IFAC за развој на професионални тела, со презентацијата „How a Strong Accountancy Profession Supports Economic Prosperity“, посветена на улогата што силната и професионална ревизорска професија ја има во создавањето услови за економски просперитет. Во рамките на настанот се одржа панел дискусија на тема „Развојот на професијата во Македонија“, чија цел беше да се раскаже приказната што ја создавале различни генерации: генерација која ги поставила темелите, генерација која ја развивала и трансформирала професијата и новата генерација која треба да ја однесе ревизијата во иднината. На панелот се разговараше за развојот на професијата во изминатиот период, актуелните предизвици, како и потребата од п