Инспекторатот за земјоделство откри неправилности кај откупувачите: 873 вонредни контроли, 30 мерки и 17 платни налози
FinPortal.mk · 5.10.2026 г.
Државниот инспекторат за земјоделство од почетокот на годинава до 15 септември извршил вкупно 873 вонредни инспекциски надзори кај регистрирани правни лица што вршат откуп на земјоделски производи. Поради утврдени неправилности, инспекторите изрекле 30 инспекциски мерки и издале 17 платни налози, соопшти денеска директорот на Инспекторатот, Ивица Ангеловски, на заедничка прес-конференција со министерот за земјоделство, Борче Серафимовски. Ангеловски објасни дека надзорите биле спроведени согласно Законот за земјоделство и рурален развој, врз основа на месечни планови и работни налози на Инспекторатот. За констатираните неправилности, како што рече, инспекторите изрекле 30 инспекциски мерки во форма на забрани, опомени, наредби и задолженија, додека биле издадени и 17 платни налози. „Во текот на 2026 година, државните инспектори за земјоделство за утврдените неправилности имаат изречено вкупно 30 инспекциски мерки, за кои се издадени решенија во форма на забрани, опомени, наредби и задолженија. Дополнително, за утврдени неправилности при откупот, државните инспектори за земјоделство имаат издадено 17 платни налози, од кои три се платени, а за останатите кои не се платени се водат прекршочни постапки пред Прекршочната комисија во Министерството“, рече Ангеловски. Како најчесто утврдени неправилности при инспекциските надзори, директорот на Инспекторатот ги наведе вршењето откуп без склучени договори со производителите, неисплатените обврски за откупените земјоделски производи, непочитувањето на роковите за исплата, неистакнувањето ценовници за откуп, непоседувањето верификувани мерни инструменти и вршењето откуп без упис во Регистарот на откупувачи. Ангеловски посочи дека Инспекторатот активно учествува и во процедурите за извоз на земјоделски производи преку сертификација и издавање фитосанитарни сертификати. „Инспекторатот е активно вклучен во процесот на одобрување на извозот на земјоделски производи преку вршење сертификација и издавање фитосанитарни сертификати з