Инфраструктура, извоз и иновации — бизнисот бара оперативни решенија за раст на економијата
FinPortal.mk · 16.9.2026 г.
Инфраструктурата, извозот и иновативноста се трите клучни столба за натамошен развој на македонската економија и за отворање на нови пазари, порачаа учесниците на Македонско-австрискиот бизнис-форум што се одржа во Стопанската комора. На форумот беше истакнато дека овие три области, познати како „трите И“, мора да се решаваат оперативно и без одлагање, затоа што токму тие го сочинуваат крвотокот на секое стопанство. Претседателот на Стопанската комора, Бранко Азески, нагласи дека без брзи, модерни и безбедни патишта, без модернизирана железница и без предвидлив и одржлив енергетски систем, македонската економија не може да направи реален чекор во својот развој. Според него, не може да се очекува висока продуктивност, конкурентен извоз или регионална интеграција ако камионите со стока стојат. Азески потенцираше дека протоколот не гради патишта и не произведува мегавати, поради што денешниот форум е организиран со сосема поинаква намера — да се зборува директно, оперативно и без одлагање за она што е крвотокот на секое стопанство, односно за инфраструктурата и енергетиката. Тој нагласи дека кога станува збор за сообраќајните и енергетските коридори, бизнисот со години бара целосна ревитализација. Според претседателот на Комората, Македонија е географски предодредена да биде центар на европските коридори и тоа треба максимално да го искористи преку реализација на инфраструктурни проекти. Во овој сегмент, како што рече, најважно е да се покаже капацитет. Азески укажа и на портфолиото на австриските компании присутни на форумот, оценувајќи дека тоа не се компании што нудат апстрактни идеи, туку лидери кои точно ги адресираат најгорливите инфраструктурни и енергетски проблеми на земјата. Додека се гради и обновува коридорот 10 и врските од коридорот 8, според него, на земјата ѝ требаат докажани технологии. Форумот е во организација на Стопанската комора и на Трговското одделение при Австриската амбасада во Скопје (Advantage Austria). Настанот е замислен како платформа за