Хрватска пријави две нови пратки со македонски лути пиперки во европскиот систем за брзо предупредување, следната недела итен состанок во земјава
FinPortal.mk · 2.10.2026 г.
Две нови известувања од Хрватска за спорни пратки со лути пиперки испорачани од Македонија пристигнаа во Европскиот систем за брзо предупредување за храна за само десет дена, при што едната пратка е означена со „сериозен ризик“, објави Журнал. Новите пријави повторно ја ставаат под лупа безбедноста на домашните земјоделски производи што излегуваат надвор од границите на македонскиот пазар, а неофицијално се најавува дека следната недела надлежните институции во земјава ќе одржат итен состанок за да ги анализираат причините и да најдат решение за проблемот. Според неофицијалните информации, на состанокот треба да учествуваат претставници на Агенцијата за храна и ветеринарство и на инспекторатот за земјоделство. Поводот за итната средба е зголемениот број известувања во изминатиот период за испорачани пратки со овошје и зеленчук од Македонија, што според изворот претставува нов црвен аларм од Хрватска за пратките со зеленчук од земјава. Хрватска и претходно реагираше до европскиот систем за 50 тони овошје и зеленчук од Македонија. И тогаш стануваше збор за пиперки, но и за пратки со сливи. Новите известувања во системот на Европската комисија, едно од нив означено со сериозен ризик, дополнително ја засилуваат загриженоста за контролата на остатоците од пестициди во домашното производство наменето за извоз. Во контекст на претходните случаи, вратени пратки од Бугарија и Црна Гора со пиперки и трпезно грозје заради утврдени пестициди над дозволеното завршиле на домашниот пазар откако Агенцијата за храна и ветеринарство направила проверки во домашните лаборатории. Тогаш резултатите биле негативни, па била донесена одлука истите да бидат пуштени во промет во земјава или да бидат упатени на преработка. Од Агенцијата за храна и ветеринарство тврдат дека по изминување на одреден временски период нивото на хемиски средства паѓа и тие се безбедни, а проверките во домашните лаборатории се применувале од порано. Кај голем дел од препаратите, по изминување на временските рокови о