Хрватска под лупа: Дали условните казни се доволна казна за нацистичките извици на навивачите?
Автор: Редакција на FinPortal.mk ·
Скандирањата со кои дел од навивачите на сплитски „Хајдук“ го величале Адолф Хитлер, нацистичкиот режим и Холокаустот пред натпреварот со холандскиот „Ајакс“ предизвикаа остра реакција на хрватската јавност и отворија дебата за одговорноста за ширење омраза во земјата. Инцидентот, кој се случи во навивачката поворка низ Сплит, ги поттикна властите да покренат истрага, но и пошироката јавност да побара казни и одговорност за ваквите испади. Според извештаите, во поворката низ Сплит се слушале извици како „Аушвиц“ и „Газете ги Евреите“, како и повици за будење на Хитлер и антисемитски песни што го исмеваат масовното убивање Евреи. Сплитската полиција отвори истрага за утврдување на идентитетот на учесниците и нивно кривично гонење, а според хрватскиот портал „Индекс“, тројца осомничени веќе биле уапсени поради сомнение за јавно поттикнување насилство и омраза. Инцидентот предизвика осуди и политички реакции, но отвори и подлабоко прашање за тоа каква порака испраќа правосудниот систем кога за јавно повикување на насилство и величење на геноцидот најчесто се изрекуваат условни казни. Во анализата на „Индекс“, новинарката Ана Раич ги разгледува неодамнешните судски случаи во Хрватска поврзани со антисемитизам, расизам и повикување насилство врз припадници на различни национални и етнички групи. Според таа анализа, за кривичното дело јавно поттикнување насилство и омраза е предвидена затворска казна до три години, а за водачите на групи што повикуваат на насилство и омраза казната може да достигне до пет години. Сепак, како што се наведува, досегашната судска практика во голема мера ја сочинуваат условни затворски казни, што покренува сомнеж дали ваквата практика навистина може да го спречи повторувањето на ваквите испади. Токму затоа, покрај идентификацијата и казнувањето на учесниците во инцидентот во Сплит, во хрватската јавност се поставува и прашањето дали постоечката судска практика е доволна за да се одговори на ширењето омраза. Дебатата за одговорноста не е огран