Халк Осигурување со нов Управен одбор: Ило Ристовски останува на чело, Елена Петровска нов член

Халк Осигурување АД Скопје го продолжува своето работење со нов состав на Управниот одбор, со што се обезбедува континуитет во стратешкото управување со компанијата, но и ново засилување во менаџерскиот тим. Според објавата на компанијата, новиот состав на Управниот одбор обединува долгогодишно искуство во осигурителниот и финансискиот сектор со свеж пристап и јасна насока за развој на компанијата.

Управниот одбор го сочинуваат Ило Ристовски, повторно избран за претседател на Управниот одбор и генерален директор, Селин Шакарер, повторно избрана за член на Управниот одбор, и Елена Петровска, нов член на Управниот одбор. Со своето знаење и професионално искуство, членовите на Управниот одбор ќе работат на понатамошно унапредување на работењето на Халк Осигурување и создавање дополнителна вредност за клиентите, партнерите и вработените.

Во следниот период, компанијата ќе се фокусира на унапредување на понудата на осигурителни производи, развој на продажната мрежа и услугите, дигитализација и поедноставување на корисничкото искуство, како и на натамошно зајакнување на својата позиција на пазарот на неживотно осигурување. Овие определби ја отсликуваат стратешката насока на компанијата кон современи осигурителни решенија и квалитетна услуга за клиентите.

Претседателот на Управниот одбор и генерален директор на Халк Осигурување АД Скопје, Ило Ристовски, изјави дека компанијата продолжува со јасна визија и силен фокус на она што е најважно, а тоа е довербата на клиентите и квалитетот на услугата што им се обезбедува. Тој истакна дека со новиот состав на Управниот одбор се задржуваат стабилноста и искуството, а истовремено се отвора простор за нови идеи и дополнителен напредок. Ристовски изрази уверување дека со заедничка работа, посветеност и со вклученост на целиот тим на Халк Осигурување ќе бидат направени многу значајни чекори во развојот на компанијата.

Со новиот состав на Управниот одбор, Халк Осигурување продолжува да ја зацврстува својата позиција како стабилен и професионален партнер на своите клиенти, со посветеност кон современи осигурителни решенија, квалитетна услуга и градење долгорочна доверба. Компанијата соопшти дека континуитетот во управувањето и новото засилување во менаџерскиот тим претставуваат основа за натамошен развој и зајакнување на пазарната позиција во сегментот на неживотно осигурување.