Хакими со хет-трик и две асистенции го предводеше ПСЖ до убедлива победа во Авр

Пари Сен Жермен забележа убедлива победа од 1-5 на гостувањето кај Авр, а апсолутен херој на натпреварот беше Ашраф Хакими. Мароканскиот репрезентативец постигна три гола и забележа две асистенции, учествувајќи директно во сите пет погодоци на францускиот шампион.

Иако ПСЖ на крајот славеше убедливо, домаќините први го отворија резултатот. Џош Маја во 18. минута погоди по брзиот контранапад и асистенцијата на Рајан Фофана. Одговорот на гостите пристигна во 26. минута, кога Хакими одлично го проигра Мика Годтс за израмнување.

Само две минути подоцна, мароканскиот фудбалер се запиша и во листата на стрелците, откако доби одлична топка од Сени Мајулу и донесе целосен пресврт. Хакими продолжи да блеска и во второто полувреме. Во 55. минута постигна прекрасен гол од слободен удар, испраќајќи ја топката во долниот десен агол од голот на Авр.

Во 62. минута повторно беше во улога на асистент, овојпат за Мајулу, кој со удар од далечина зголеми на 1-4. Само седум минути подоцна, Хакими го комплетираше хет-трикот и ги постави конечните 1-5.

Три гола и две асистенции на еден натпревар е извонреден учинок, особено за фудбалер кој настапува на позицијата десен бек. Хакими имаше директен придонес во сите пет погодоци на ПСЖ и одигра натпревар за паметење.

На вториот натпревар, Ница беше убедлива против Рен, совладувајќи го противникот со 5-2. И овој дуел донесе дури седум погодоци.