Хакери испратија изнудувачки пораки преку апликацијата на ASOS

Корисниците на апликацијата на британската продавница за облека и козметика ASOS ширум Обединетото Кралство добиле пораки што се појавиле на екраните на нивните телефони, а според сето изгледа биле испратени од хакери кои се обидуваат да ја изнудат компанијата. Десетици луѓе известиле BBC дека примиле чудна порака од апликацијата на трговецот.

Содржината на пораката е директно упатена до службеникот за заштита на лични податоци (DPO) и до ИТ-тимот на ASOS, иако всушност им била прикажана на самите клиенти. Во неа се тврди дека хакерите целосно го компромитирале таканаречениот „Snowflake instance“ и се бара комуникација, во спротивно закануваат се со објавување на податоците.

ASOS не одговори веднаш на барањата на BBC за коментар. На социјалните мрежи, пак, десетици луѓе објавиле дека ја примиле пораката и дека се збунети околу нејзиното значење.

Пораката се повикува на компанијата за складирање податоци Snowflake, чии популарни алатки ги користат многу фирми за собирање, анализа и чување на податоци. Засега не е познато дали ASOS е клиент на Snowflake и какви било податоци, доколку воопшто постојат, се чуваат преку таа услуга. Snowflake во изминатите години беше предмет на повеќе високопрофилни случаи на пробив на податоци и беше поврзан со инциденти насочени кон услуги меѓу кои Ticketmaster и Santander.

Оваа вест е во развој и дополнителни детали ќе бидат објавени наскоро.