Ѓорев во Њујорк: Балканот им нуди повеќе можности отколку ризици на американските инвеститори
Автор: Редакција на FinPortal.mk ·
Бизнисменот Блажо Ѓорев, основач на Ѓорев Холдинг, беше еден од говорниците на настанот „Spotlight on Investment Opportunities in Southeast Europe and the Balkans“, кој се одржа во престижниот простор Cipriani Wall Street во Менхетен, Њујорк. Настанот го организираше Деловниот совет за меѓународно разбирање (BCIU), а се одржа во пресрет на доделувањето на глобалните награди „Двајт Д. Ајзенхауер“ за 2026 година. Ѓорев учествуваше на настанот на директна покана од BCIU, а во своето обраќање пред присутните инвеститори, деловни лидери и претставници на дипломатијата ја претстави тезата дека Балканот за американските компании претставува простор со повеќе можности отколку ризици. Во своето излагање, Ѓорев истакна дека инвеститорите кога гледаат кон Балканот најчесто гледаат ризици, но дека регионот, со помалку изградена инфраструктура од остатокот на Европа, всушност нуди простор за раст. Тој нагласи дека во регионот има етаблирани компании во производството, енергетиката, логистиката и технологијата, со искуство на меѓународните пазари, кои можат да бидат сигурни партнери на американските компании и заедно со нив да растат. Според неговите зборови, токму тоа искуство и поврзаноста со глобалните пазари ги прави регионалните фирми релевантни соговорници за американскиот приватен капитал. Ѓорев повлече и паралела со Маршаловиот план, потсетувајќи дека и Западна Европа по Втората светска војна се соочуваше со голема неизвесност, а многу инвеститори претпочитаа да почекаат. Според Ѓорев, САД тогаш не чекаа, а инвестициите изградија пазари и партнерства што траат до денес и ја направија Западна Европа нивен најголем партнер. Со таа историска аналогија, тој ја пренесе пораката дека одложувањето на инвестициите во регион со недоволно изградена инфраструктура може да значи пропуштена можност, наместо избегнат ризик. Настанот обедини лидери од бизнисот, дипломатијата, медиумите, културата и филантропијата, инвеститори и меѓународни експерти, кои разговараа за стратешките инвести