Ѓоко Хаџиевски пред договор со Локомотив Софија

Ѓоко Хаџиевски е главен фаворит за нов тренер на Локомотив Софија, објави бугарскиот весник „Тема Спорт“. Искусниот македонски стратег се очекува денеска да пристигне на завршни преговори, по што би требало да потпише договор и официјално да биде претставен како нов шеф на стручниот штаб.

Како една од опциите за тренерската позиција се споменувал и Душан Косиќ, актуелниот тренер на Локомотив Пловдив. Хаџиевски последен пат работеше во Спартак Варна, од каде што си замина набргу по почетокот на актуелната сезона.

Локомотив Софија е без тренер по разделбата со Љубосав Пенев. На последниот натпревар против Септември Софија, одигран на стадионот „Герена“, тимот го предводеше директорот на младинската школа, Александар Георгиев.

Според информациите, договорот со Пенев не бил раскинат спогодбено. Клубот му исплатил обесштетување, чиј износ бил намален по преговорите во однос на првично предвидената сума во договорот.

Доколку преговорите завршат успешно, Хаџиевски ќе се врати во бугарскиот фудбал, каде што веќе работеше во Спартак Варна, а сега би го презел Локомотив Софија во момент кога клубот бара стабилно решение на тренерската позиција по заминувањето на Пенев.