Гаши во работна посета на Бутел: институционална соработка и канцеларија за директна комуникација со граѓаните

Претседателот на Собранието, Африм Гаши, денес оствари работна посета на Општина Бутел, каде што се сретна со градоначалникот на општината, Дарко Костовски. Посетата е дел од континуираната пракса на посети на општините и од посветеноста на функционализација на канцелариите на пратениците за контакт со граѓаните, соопштено е од Собранието.

За време на средбата во Општина Бутел беа разгледани можностите за продлабочување на институционалната соработка, проектите што се реализираат во општината, како и плановите и приоритетите за наредниот период. На средбата беше нагласена важноста на континуираната координација и комуникација меѓу институциите, со цел унапредување на проектите и спроведување на иницијативите во интерес на граѓаните.

По посетата на Општина Бутел, Гаши ја посети и Канцеларијата на пратениците за контакт со граѓаните во Бутел, заедно со пратеничката Каролина Насковска. За време на посетата, претседателот на Собранието ги охрабри да го искористат максимално овој простор што овозможува директна комуникација меѓу граѓаните и пратениците и го олеснува решавањето на нивните барања, предлози и загрижености.

Истовремено, Гаши ја истакна важноста на информирањето на граѓаните за можностите што ги нуди канцеларијата, како и електронската платформа за контакт со граѓаните, како важни механизми за приближување на Собранието до граѓаните. Со тоа, како што беше нагласено, се зајакнува транспарентноста и отвореноста на институцијата кон јавноста.

Гаши ја потврди посветеноста за зајакнување на транспарентноста, отвореноста на Собранието и слободниот пристап на граѓаните до институцијата, создавајќи можности нивните гласови и барања да бидат слушнати и адресирани преку институционалните механизми. Посетата на Бутел е дел од пошироката практика на раководството на Собранието да ги посетува општините и да ги проверува условите за работа на канцелариите на пратениците, кои треба да овозможат директна врска меѓу избраните претставници и граѓаните.

Канцелариите на пратениците за контакт со граѓаните функционираат како места каде што граѓаните можат директно да ги изнесат своите барања, предлози и загрижености пред своите пратеници, а електронската платформа дополнително го олеснува овој процес. Со ваквите посети, како што беше нагласено, се потврдува определбата институциите да бидат поблиску до граѓаните и нивните секојдневни потреби.