28.10.2026 - Фустеларко Борец АД Битола - Други ценовно чувствителни информации

АД Фустеларко Борец Битола, согласно Глава 6 од Правилата за котација, објави други ценовно чувствителни информации за резултатите од работењето во периодот од 1 јануари до 30 септември 2026 година. Од образложението кон резултатите произлегува дека сметководствените политики во друштвото се применуваат конзистентно во текот на целата презентирана година, исто како и за претходниот период.

Според податоците изразени во илјади денари, приходите од продажба на домашен пазар во 2026 година изнесуваат 90 445 илјади денари, наспроти 116 896 илјади денари во 2025 година, што претставува индекс од 76. Приходите од продажба на странски пазар изнесуваат 120 858 илјади денари, во споредба со 68 952 илјади денари лани, со индекс од 211. Вкупните приходи од продажба во 2026 година се 211 303 илјади денари, наспроти 185 848 илјади денари во 2025 година, односно индекс од 88.

Финансиските приходи во пресметковниот период изнесуваат 21 959 илјади денари, што е за 5 отсто повеќе од 20 996 илјади денари во истиот период лани (индекс 105). Во овие приходи влегуваат приходите од државни поддршки, кои се однесуваат на рефундирани парични средства од државата по основ на даноци и придонеси за вработување на инвалидни лица. Во нив влегуваат и дополнителните одобренија од добавувачи, приходите од наплатени штети, од вишоци по попис, приходи од продажба на материјални средства и приходи од донации.

Бруто/нето добивката во периодот јануари – септември 2026 година изнесува 3 999 илјади денари, наспроти 9 549 илјади денари во 2025 година, што е индекс од 42. Како што се наведува во образложението, добивката е намалена за 58 отсто споредбено со претходната година, бидејќи се намалени приходите од продажба, а се зголемени дел од расходите, како што се амортизацијата и трошоците за вработени.

Оперативните расходи во 2026 година изнесуваат 203 850 илјади денари, наспроти 217 728 илјади денари во 2025 година, со индекс од 94. Трошоците на производство, односно оперативните расходи, се намалиле за 6 отсто во пресметковниот период, што компарира со приходите од продажба и залихата на готов производ. Финансиските расходи се намалени за 37 отсто и изнесуваат 964 илјади денари, наспроти 1 520 илјади денари лани (индекс 63). Тие се расходи од годишни попусти-рабати, неотпишана вредност на отуѓени средства, камати по кредити, курсни разлики и слични расходи.

Од останатите детали во образложението се издвојуваат:

Во 2026 година друштвото исплати дивиденда во износ од 13 981 080 денари.

Во 2026 година набавено е систем за ладење како дел од една од машините и направена е поправка на фабриката со обшивка со пластичен лим и епоксиден под.

Набавена е нова машина за штанцање која сè уште не е во употреба, бидејќи во тек е изградба на дополнителен простор до постојниот објект, наменет за нејзино сместување и инсталирање. По завршувањето на градежните работи, се планира машината да биде поставена и пуштена во употреба.

Долгорочните обврски по кредити се обезбедени од Шпаркасе Банка АД Скопје за опрема.

Во известувачкиот период планот се остварува со 75 отсто, односно планирани се 1 860 тони, а преработени се 1 404 тони картон.

Во табеларниот преглед на расходите, набавната вредност на трговските стоки во 2026 година изнесува 0 илјади денари, наспроти 8 илјади денари во 2025 година; трошоците за суровини и други материјали се 100 272 илјади денари (индекс 86); услугите со карактер на материјални трошоци 9 236 илјади денари (индекс 94); останатите трошоци од работењето 2 532 илјади денари (индекс 106); трошоците за вработените 75 801 илјада денари (индекс 102); амортизацијата 15 839 илјади денари (индекс 108); вредносното усогласување (обезвреднување) на тековни средства 170 илјади денари, наспроти 1 илјада денар лани.