Фондот за здравство предлагат боледување од матичен лекар да се намали од седум на пет дена

Фондот за здравствено осигурување (ФЗО) до Управниот одбор ќе предложи предлог-измена на Правилникот за боледување, како и предлог-измена на критериумите за контрола, со цел средствата што се исплаќаат да стигнат до оние на коишто им се најпотребни и да се воспостават механизми за превенција на потенцијална злоупотреба на боледувањето. Ова го изјави денеска директорот на Фондот, Златко Перински.

Една од предлог-измените, како што објасни Перински, е во делот на намалување на бројот на денови коишто матичниот лекар може да го издаде боледувањето, и тоа од седум на пет дена. Со измените, според него, се олеснува постапката за издавање на боледување за оние лица кои што се во неможност да дојдат со физичко присуство да го извадат боледувањето.

Во делот на контролата, Фондот воспоставува механизми на заедничка контрола со останатите чинители во рамки на системот, како Управата за јавни приходи и Министерството за внатрешни работи, сè со цел соодветно да се извршуваат контролите во рамки на секој сектор. Перински најави и новина според која, согласно извештајот на контролорот, издаденото лекарско иследување за лекарско боледување од страна на лекарска комисија ќе може дополнително да се ревидира.

Според директорот на Фондот, боледувањата секогаш се сензитивни за јавноста, но идејата е да се превенира правото на боледување, како и да се спречи злоупотреба во рамки на искривување на боледувањето. Тој потсети дека Фондот за здравствено осигурување за 2026 година во рамки на својот буџет има предвидено 6 милијарди и 454 милиони денари средства.

Предлог-измените доаѓаат во момент кога Фондот сака да обезбеди дека исплатите за боледување одат до лицата на коишто им се навистина потребни, а не до оние кои што системот би можеле да го злоупотребат. Контролата, како што беше најавено, ќе се зајакне и преку соработка со другите институции вклучени во системот, а ревизијата на лекарските иследувања издадени од лекарска комисија треба да овозможи дополнителна проверка на основаноста на боледувањата.

Со намалувањето на периодот во кој матичниот лекар може да издаде боледување од седум на пет дена, Фондот истовремено сака да ја олесни постапката за пациентите кои не се во можност физички да присуствуваат за да го извадат боледувањето, но и да ја зајакне контролата врз издадените потврди. Предлогот се упатува до Управниот одбор на Фондот, кој треба да одлучи за конечните измени на Правилникот и на критериумите за контрола.