Флик: Поразот од Реал е тежок удар, но мораме да го прифатиме и да продолжиме
Автор: Редакција на FinPortal.mk ·
Тренерот на Барселона, Ханси Флик, по поразот од Реал Мадрид со 1-2 во дербито Ел Класико на „Камп Ноу“ изјави дека ова е тежок удар за неговиот тим, но дека мора да го прифатат како дел од фудбалот. Германецот пред медиумите по последниот судиски свиреж призна дека не е задоволен од прикажаното и дека неговата екипа физички не била на сто проценти. „Не сум задоволен. Денеска се виде дека физички не сме на сто проценти. Во второто полувреме стоевме добро на теренот, го контролиравме натпреварот и израмнивме на 1-1, а Реал имаше само две можности да постигне втор гол. Во завршницата одлучивме да извршиме пресинг, но тие организираа брз контранапад и постигнаа гол. Ова е тежок удар за нас, но мораме да го прифатиме – поразите се дел од фудбалот“, изјави Флик. Поразот во Ел Класико дојде само неколку дена откако Барселона загуби и на гостувањето кај Пари Сен Жермен со 2-4 во Лигата на шампионите, со што кошмарната недела за каталонскиот клуб доби свој завршеток. Флик потсети дека ова е прв пораз за Барселона од почетокот на сезоната во првенството, по десет одиграни кола. „Во моментов не го покажуваме најдоброто од себе, а причината е недостигот на свежина. На фудбалерите им е потребен одмор по толку интензивна недела. Имаме доволно време до следниот натпревар за да ги наполниме батериите и да ја вратиме енергијата“, истакна германскиот стратег. Флик повторно го нагласи заморот на своите фудбалери, особено против физички моќен противник како Реал Мадрид. Тој изрази жалење што Барселона не успеала да ги искористи своите шанси за целосен пресврт при резултат 1-1, но истовремено беше задоволен од враќањето на Френки де Јонг, кој ги забележа првите минути на теренот оваа сезона. „Свесни сме дека изминатата недела беше далеку од идеална. Загубивме во Париз и го претрпевме првиот пораз сезонава во првенството, но сè уште сме на врвот на табелата“, потсети Флик. И покрај двете загуби во само неколку дена, Барселона останува на чело на првенствената табела, а тренерот смета де