Флик не отстапи: За прашања за Реал и Винисиус одговарам само пред Ел Класико
Автор: Редакција на FinPortal.mk ·
Тренерот на Барселона, Ханси Флик, решително ги одби сите обиди на новинарите да добијат негов коментар за актуелните случувања во Реал Мадрид и за ситуацијата со Винисиус Жуниор, пред натпреварот на неговиот тим против Галатасарај во Лигата на шампиони. На прес-конференцијата, Флик беше директно прашан за одлуките на Реал Мадрид во однос на неисполнување на обврските кон новинарите, како и за црвениот картон на Винисиус Жуниор. Германецот не даде ниту еден конкретен одговор, туку јасно стави до знаење дека не сака да зборува за работи кои не се однесуваат на неговиот тим. „Се надевам дека еден ден ќе научите дека не одговорам на прашања поврзани за други тимови. Играме натпревар против Галатасарај, треба да покажеме почит кон овој тим. Не е време да се зборува за други тимови“, порача Флик. Кога станува збор за Винисиус Жуниор, Флик беше уште поконкретен, упатувајќи ги новинарите на претстојниот дуел со Реал Мадрид. „Ќе добиете шанса да ме прашувате за него за две недели отсега, пред нашиот дуел на Ел Класико“, изјави тренерот на Барселона. Оваа реакција на Флик доаѓа во момент кога во шпанските медиуми интензивно се коментираат одлуките на Реал Мадрид, кои клубот ги носи во однос на неисполнување на обврските кон новинарите. Реал Мадрид подолго време врши притисок за „Негреира случајот“ и се сомнева дека Барселона и натаму добива судиска протекција во Ла Лига. Како знак на протест кон одлуките на арбитрите на натпреварите кои ги игра „кралскиот клуб“, Жозе Мурињо не се појави на последната прес-конференција. Со цел да избегне жестока казна и суспензија пред Ел Класико, Мурињо реши да не се појави на задолжителниот прес по натпреварот со Вилјареал, сето тоа како последица на бесот кој го чувствуваше поради арбитражата на Диаз де Мера. Целата епизода настана поради црвениот картон кој го заработи Винисиус Жуниор. Токму затоа овие две теми беа доста актуелни во јавноста, а новинарите се обидоа да извлечат изјава и од Ханси Флик пред натпреварот кој го игра Барса со Г