Европскиот фудбал се обединува: УЕФА утре во Берлин избира кандидат против Инфантино
Автор: Редакција на FinPortal.mk ·
Раководителите на европскиот фудбал од сите 55 членки на УЕФА утре ќе се соберат во Берлин со цел да се договорат околу заеднички кандидат за претседателските избори во ФИФА и да ја обликуваат стратегијата за отстранување од должноста на првиот човек на светскиот фудбал, Џани Инфантино. Според информациите, долгорочните планови на европската куќа на фудбалот вклучуваат подготовка на кривична пријава против Инфантино пред суд во Швајцарија поради можни финансиски малверзации во врска со договорот за комерцијалните права на светските првенства. Генералниот секретар на УЕФА, Теодорос Теодоридис, минатиот месец јасно ја изразил позицијата на европската организација, нагласувајќи дека во одреден момент работите со ФИФА отишле предалеку и дека УЕФА се обидува да ги врати таму каде што им е местото. Оваа изјава доаѓа во момент кога тензиите меѓу двете најголеми фудбалски организации дополнително се заоструваат, а европските федерации бараат начин да го ограничат влијанието на актуелниот претседател на ФИФА. Изборите за претседател на ФИФА ќе се одржат на 18 март во Рабат, а засега единствен против кандидат на актуелниот претседател Инфантино е поранешниот швајцарски репрезентативец Рамон Вега. Токму затоа средбата во Берлин е од клучно значење за европскиот фудбал, бидејќи од неа зависи дали УЕФА ќе излезе со единствен, обединет кандидат или ќе остане поделена пред гласањето. Европските федерации сочинуваат повеќе од една четвртина од 211 земји-членки на ФИФА кои имаат право да гласаат на изборите, што значи дека нивната поддршка е од големо значење за секој кандидат. Сепак, УЕФА не е обединет блок, што дополнително ја комплицира ситуацијата пред утрешниот состанок. Инфантино веќе доби ветување за поддршка од Азербејџан, родната земја на негов близок соработник, како и од Летонија, што покажува дека актуелниот претседател на ФИФА активно работи на обезбедување гласови и во рамките на Европа. Покрај тоа, претходно оваа недела Инфантино имал средби со фудбалски и владини пре