Европската комисија ги објави добитниците на петтите награди за органско производство на ЕУ
FinPortal.mk · 23.9.2026 г.
Европската комисија ги соопшти имињата на добитниците на годинешните награди за органско производство на Европската Унија. Според соопштението, овогодинешните лауреати ги одржуваат високите стандарди поставени од претходните добитници и претставуваат иновативни и одржливи проекти низ целиот синџир на вредност на органското производство во Европа. Од Комисијата нагласуваат дека нивната работа покажува како органското земјоделство и производство можат да создадат додадена вредност, да градат заедници и работни места во руралните средини, да ги претворат амбициозните цели за одржливост во конкретни дејства и да поддржат отпорни прехрамбени системи ориентирани кон иднината. Комисијата останува посветена на понатамошна поддршка на органскиот сектор и синџирот на вредност, зајакнувајќи ја нивната конкурентност притоа запазувајќи високи стандарди. Во рамките на предложената заедничка земјоделска политика по 2027 година, буџетот на ЕУ ќе продолжи да го зајакнува органското земјоделство и иновациите во секторот, потпирајќи се на истражувањата и на Европскиот фонд за конкурентност. За годинешното издание повторно биле примени повеќе од 120 пријави од целата ЕУ, а 21 кандидат биле избрани од 12 земји. Наградите за органско производство на ЕУ опфаќаат 6 категории и 7 поединечни награди, со кои се признаваат иновативни, одржливи и инспиративни проекти што додаваат значителна вредност на органското производство и потрошувачка.