Енрике: Сакаме трета титула во Лигата на шампионите, нешто што досега само Реал Мадрид го направил
Автор: Редакција на FinPortal.mk ·
Тренерот на Пари Сен Жермен, Луис Енрике, отворено ја истакна амбицијата на клубот да ја освои третата последователна титула во Лигата на шампионите, нешто што досега во историјата на елитното натпреварување го постигнал само Реал Мадрид. Шпанскиот стратег тоа го изјави во пресрет на вечерашниот натпревар против Манчестер Сити, кој за парижаните претставува прв сериозен тест во овогодишното издание на Лигата на шампионите. Средбата меѓу Манчестер Сити и Пари Сен Жермен е закажана за 21 часот, а од неа се очекуваат возбудувања, надигрувања, добри потеци и голови, односно сè што може да понуди соочувањето на две екипи од највисокиот врв на европскиот и светскиот фудбал. Енрике, сепак, не сакаше да ја намали важноста на предизвикот што го носи гостувањето кај премиерлигашот, туку напротив — гледа на него како на исчекор кон поставената цел. „Двапати по ред ја освоивме Лигата на шампионите, но нема причина да застанеме тука. Создадени сме да играме во Лигата на шампионите. Имаме дополнителен мотив, да постигнеме нешто што досега само Реал Мадрид успеал да го направи. Тоа е посебна цел“, изјави Шпанецот пред натпреварот. Енрике потсети дека историјата била главниот мотив уште од неговото доаѓање на клупата на Пари Сен Жермен. „Тоа беше нашата главна цел кога пристигнав, да испишеме историја. Сите знаеја дека клубот веќе освои големи трофеи, но за нас нема поважен трофеј од Лигата на шампионите. За мене, како тренер, но и за играчите, постојаната желба за победа е клучна карактеристика на врвно ниво“, вели тој. Тренерот на парижаните неодамна прифати нов договор со клубот, со важност до 2030 година, што дополнително ја зацврстува неговата посветеност на проектот. „Го продолжив договорот и сега сум под уште поголем притисок да покажам дека сум подготвен да продолжам, дека сè уште сакам да освојувам трофеи со Пари Сен Жермен. Целта е секогаш иста, да победуваме и да продолжиме во тој ритам“, заклучи Енрике. Со тоа, Пари Сен Жермен влегува во дуелот со Манчестер Сити со јасн