Дурмиши во Баку: Северна Македонија е производствена и извозна платформа за европските и регионалните пазари
FinPortal.mk · 25.9.2026 г.
Министерот за економија и труд Бесар Дурмиши учествуваше на Вториот Азербејџански меѓународен инвестициски форум – AIIF 2026, кој се одржа во Баку, каде пред присутните инвеститори ја претстави Северна Македонија како производствена, извозна и регионална платформа за европските и регионалните пазари. На форумот, како што соопштија од неговиот кабинет, министерот истакна дека во услови на глобална економска и геополитичка неизвесност, земјата го гради економскиот раст преку инвестиции, структурни реформи, енергетска сигурност и продлабочување на регионалната и европската интеграција. „Во време на глобална неизвесност не треба да се повлекуваме од инвестицискиот циклус. Напротив, треба да продолжиме со инвестиции во инфраструктурата, енергетиката, дигитализацијата, човечкиот капитал и производствените капацитети“, порача Дурмиши пред учесниците на форумот во Баку. Тој пред инвеститорите ги истакна географската положба на земјата на Коридорите 8 и 10, индустриските зони, развиената автомобилска индустрија и пристапот до повеќе од 650 милиони потрошувачи преку трговските договори. „Не гледајте на Северна Македонија само како на мал домашен пазар. Гледајте на неа како на производствена, извозна и регионална платформа“, истакна министерот за економија и труд, упатувајќи јасна порака до странските инвеститори дека земјата нуди повеќе од ограничен внатрешен пазар и дека преку своите трговски врски обезбедува пристап до значителен број потрошувачи на европскиот и регионалниот пазар. Дурмиши нагласи дека приоритет на Владата е привлекување инвестиции со повисока додадена вредност, кои носат нови технологии и знаење, отвораат подобро платени работни места и ги поврзуваат домашните компании со глобалните синџири на вредност. Според него, токму ваквите инвестиции се основата врз која се гради долгорочната отпорност на економијата и се обезбедува одржлив раст, наместо потпирање исклучиво на нископродуктивни капацитети. Во однос на економските движења, министерот посочи дека еконо