ДУИ бара целосна истрага за јавните средства во Алта банка
Автор: Редакција на FinPortal.mk ·
Демократската унија за интеграција (ДУИ) побара целосно институционално испитување на случајот со Алта банка, оценувајќи дека тој отвора сериозни прашања за управувањето со јавните средства, финансиската сигурност на државните институции и можните политички влијанија врз банкарските одлуки. Според партијата, воведувањето привремена администрација и ограничувањата во располагањето со средствата од страна на Народната банка ја наметнуваат потребата да се утврди колкав дел од јавните пари се наоѓаат во Алта банка и врз основа на кои критериуми институциите и јавните претпријатија ги користеле нејзините услуги. Од ДУИ прашуваат кој ги донел и одобрил одлуките за чување јавни средства во банката, дали биле направени независни финансиски процени и дали при изборот имало политичко влијание. Дополнително, партијата бара да се утврди дали биле анализирани ризиците поврзани со сопственичката структура и дали институциите добиле предупредувања за можни финансиски проблеми. Од партијата ги посочуваат и постапките против сопственикот на матичната банка во Србија, како и сомневањата за финансиски злоупотреби што се предмет на истрага таму. ДУИ бара Владата и Министерството за финансии да објават целосен преглед на државните институции, јавните претпријатија и другите субјекти под државна контрола што имале средства во Алта банка, вклучително и точните износи, датумите на отворање на сметките, правната основа и одговорните лица. Истовремено, од Народната банка бараат објаснување за надзорните постапки и процените на ризикот, а од Јавното обвинителство да испита дали при насочувањето на јавните средства имало незаконски влијанија, злоупотреба на службената положба, судир на интереси или други противправни дејствија. Од партијата порачуваат дека граѓаните имаат право да знаат колку јавни пари се изложени на ризик и кој одлучувал за нивното чување во банката. Според ДУИ, одговорот на овие прашања е неопходен за да се утврди одговорноста и да се спречи повторување на слични ситуации в