Џејлен Вилијамс со тешка повреда на ногата, изнесен на носилка во финишот против Клиперс

Кошаркарот на Оклахома Сити Тандер, Џејлен Вилијамс, доживеа сериозна повреда на левата потколеница во финишот на натпреварот против Лос Анџелес Клиперс, по што беше изнесен од теренот на носилка. Инцидентот се случи на 74 секунди пред крајот на натпреварот, кога Вилијамс го нападна обрачот и по неуспешното приземјување остана да лежи на паркетот.

Медицинскиот персонал веднаш му притрча на помош, а повредениот зглоб бил покриен со крпи додека играчите од двата тима гледаа со неверица што се случувало. Сериозноста на ситуацијата беше очигледна во првите моменти по падот, со оглед на тоа што речиси веднаш беше побарана носилка за да го изнесат кошаркарот од теренот.

И покрај шокантните сцени, Оклахома Сити успеал да го заврши натпреварот и да слави против Клиперс со резултат од 108:101. По натпреварот, МВП-то на Тандер, Шеј Гилџес-Александар, се мачеше да ги најде вистинските зборови за повредата на својот соиграч. „Многу ми е жал за него. Ништо повеќе од тоа“, рече Гилгес-Александар во телевизиско интервју, едвај држејќи ги солзите.

Засега нема официјална дијагноза за повредата, но првичните реакции на теренот укажуваат на сериозен инцидент. Вилијамс беше еден од клучните играчи на Тандер во досегашниот тек од сезоната, а неговото отсуство би можел да биде голем удар за тимот.

Оклахома Сити Тандер и покрај непријатната ситуација успеа да го добие натпреварот, што дополнително ја истакнува важноста на победата во услови на тежок момент за екипата. Клубот се уште не објавил дополнителни информации за состојбата на Вилијамс, а кога ќе бидат достапни резултатите од медицинските прегледи, ќе се знае повеќе за тежината на повредата и периодот на пауза.