Џеј-Ди Спортс влегува на мексиканскиот пазар преку франшиза со Axo

Британскиот трговец со спортска облека и обувки Џеј-Ди Спортс Фешн потпиша долгорочен договор за франшиза со мексиканскиот мултибренд дистрибутер Групо Axo, со што брендот JD ќе влезе на мексиканскиот пазар. Според договорот, Axo ќе управува со продавниците и е-трговијата на JD во Мексико, користејќи го брендот и интелектуалната сопственост на Џеј-Ди. Двете компании ќе ги користат сопствените и ексклузивните линии на JD во сегментите на обувки, облека и аксесоари.

Претседателот и главен извршен директор на Групо Axo, Андрес Гомес, изјави дека длабоките односи на JD со брендовите, диференцираната понуда на производи и имамерзивното искуство во продажбата силно се надополнуваат со платформата, капацитетите и разбирањето на мексиканскиот потрошувач што ги има Axo. Тој оцени дека партнерството претставува значаен момент за спортската мода во Мексико и дека со нетрпение очекуваат да помогнат JD да стане водечка дестинација за спортска мода на пазарот.

Од 2027 година, Axo ќе управува со повеќе од 140 локации на JD во Мексико преку преобразба на постојната мрежа на продавници за патики. Дел од тие продавници подоцна треба да бидат проширени во согласност со форматот на JD „поголемо и подобро“. Компанијата наведува дека Мексико има население од над 130 милиони луѓе, од кои околу 40 отсто се помлади од 25 години, што го прави пазар со голема и високо ангажирана потрошувачка база и демографски профил што силно се совпаѓа со позицијата на JD како куратор на трендовите во обувки и облека во спортот, музиката и модата.

Според компанијата, договорот е дел од стратегијата на групацијата „JD Brand First“. Аранжманот со Axo ја зголемува постојната франшизна дејност на JD, која веќе опфаќа 75 продавници на JD и Courir низ Европа, Блискиот Исток, Африка и Азија. Во Северна Америка, Џеј-Ди Спортс Фешн минатата година во јуни ја отвори и првата продавница во Канада, како дел од напорите за ширење во регионот.

Најновите годишни резултати на Џеј-Ди Спортс покажаа раст на приходите во финансиската 2026 година, додека потрошувачката остана под притисок, а поширокиот сектор за трговија на мало се соочи со продолжени тешкотии. Во 12 месеци до 31 јануари 2026 година, приходите пораснаа за 10,5 отсто на 12,66 милијарди фунти (17,23 милијарди долари). Профитот пред оданочување и ставките за прилагодување падна за 7,7 отсто на 852 милиони фунти. Основана во 1981 година, JD Group сега работи со 4.766 продавници во 35 земји под имиња како Courir, DTLR, Go Outdoors, Hibbett и Sport Zone. Главниот извршен директор на Џеј-Ди Спортс Фешн, Режис Шулц, изјави дека партнерството е уште еден важен чекор во стратегијата „JD Brand First“ и ја зајакнува амбицијата JD да стане водечка глобална дестинација за спортска мода на најпривлечните потрошувачки пазари во светот.