Директорот на охридската болница ги отфрла наводите за недоличен однос: родилката двапати одбила хоспитализација со своерачен потпис
Автор: Редакција на FinPortal.mk ·
Директорот на Општата болница во Охрид и доктор на Одделението за гинекологија и акушерство, д-р Горан Маркоски, ги отфрли наводите на медицинската сестра Љубица Шавреска за недоличен телефонски разговор во ноќта кога таа побарала лекарска помош. Според Маркоски, на пациентката во два наврати ѝ била предложена хоспитализација, која таа ја одбила со своерачен потпис, а тврдењето за недоличен однос е невистинито. Маркоски доставил хронологија на прегледите на Шавреска во охридската болница, откако таа јавно го опиша третманот што, како што тврди, го добила во повеќе здравствени установи пред нејзината бременост да заврши со загуба на плодот. Според директорот, Шавреска во Општата болница во Охрид била следена уште од раната бременост, а првпат се јавила во седмата гестациска недела поради крварење. „Ординирана е соодветна прогестеронска таблетарна и ампуларна терапија и истовремено е отворено боледување со дијагноза заканувачки абортус, кое е продолжувано во неколку наврати поради истоимената дијагноза која се споменува до самиот крај на бременоста“, изјавил Маркоски. Тој тврди дека на пациентката континуирано ѝ била препишувана терапија соодветна за гестациската недела. Како важен момент во хронологијата, Маркоски го посочува 31 август. Според него, Шавреска тој ден повторно дошла на преглед, а дежурниот доктор констатирал крварење и предложил хоспитализација. „Пациентката своеволно, спротивно на советот од доктор-специјалист, ја одбива, а истото е евидентирано во медицинскиот дневник со своерачен потпис на пациентката“, наведува Маркоски. На 9 септември, во утринските часови, Шавреска повторно се јавила во болницата. Маркоски вели дека дежурниот лекар направил целосен ултразвучен преглед и повторно ѝ била ординирана терапија соодветна за гестациската недела. Според неговиот одговор, пациентката одбила вагинален преглед. Истата вечер таа повторно дошла на Одделението за гинекологија и акушерство, а по извршениот преглед повторно ѝ била предложена хоспитализација. Дир