ДИК: Целосна подготвеност за гласањето во Брвеница, биометрискиот систем обезбеден по законска постапка
Автор: Редакција на FinPortal.mk ·
Сите подготовки за предвремените избори за градоначалник на Брвеница, закажани за утре, се завршени, а проблемот со фингерпринт-апаратите е надминат. Ова го изјави претседателот на Државната изборна комисија, Бојан Маричиќ, во емисијата „Тема на денот“ на телевизија Сител, пренесувајќи дека во функција се 24 уреди за биометриска идентификација на гласачите, а обезбедени се и резервни апарати. Маричиќ потврди дека ДИК се соочила со проблеми околу функционирањето на системот за биометриска идентификација, по истекувањето на договорот за негово одржување. Според него, сепак, навремено биле преземени сите потребни законски постапки за непречено спроведување на изборите. Со претходна подготовка и одобрение од Бирото за јавни набавки, ДИК спровела постапка со која е обезбедена функционалноста на уредите што ќе се користат на утрешното гласање. „Сè е подготвено за утрешното гласање во Брвеница. Имаме 24 апарати во функција за целосно спроведување на изборите, но имаме и резервни апарати“, истакна Маричиќ. Тој нагласи дека решението е обезбедено согласно законските процедури, со што е отстранет ризикот од технички проблеми поврзани со биометриската идентификација на гласачите. Претседателот на ДИК најави дека во следниот период се очекува спроведување нова јавна набавка за софтверската поддршка на преостанатите околу 4.000 фингерпринт-апарати што се користат на изборите во Македонија. Според него, целта е системот да биде целосно функционален и подготвен за секој следен изборен циклус, без разлика кога ќе бидат распишани изборите. Маричиќ ја истакна и важноста на биометриската идентификација за довербата на граѓаните во изборниот процес. Според неговата оценка, фингерпринт-апаратите во изминатите пет години придонеле за спречување изборни злоупотреби и за поголема сигурност при идентификацијата на гласачите. Предвремените избори за градоначалник на Брвеница ќе се одржат утре, а ДИК уверува дека целиот процес ќе се спроведе непречено и во согласност со законската рамка, со о