Чупиќ без изговори: „Јас сум виновен за поразот од Висла Плок
Автор: Редакција на FinPortal.mk ·
Тренерот на Вардар 1961, Иван Чупиќ, по синоќешниот пораз од Висла Плок со 26-32 во Лигата на шампионите, излезе пред јавноста и целосно ја презеде одговорноста за неуспехот, без да бара оправдувања во судиските одлуки или заморот на играчите. Хрватскиот стратег чесно призна дека неговата тактичка замисла на овој натпревар едноставно се покажала како погрешна, што е реткост во модерниот спорт каде тренерите по тешки порази најчесто бараат алиби во надворешни фактори. Свесен за дефанзивната моќ на полскиот состав, Чупиќ се обидел да го изненади противникот со игра „седум на шест“ уште на самиот старт од натпреварот. Идејата била да се избегнат тешките физички дуели и да се подигне самодовербата на бековите, но на теренот се случило токму спротивното. „Лошо го отворивме натпреварот. Се подготвувавме за различни варијанти, трошевме многу внимание на ротациите, но моја грешка беше што отворивме со човек повеќе и примивме неколку лесни голови на празна мрежа“, искрено анализираше Чупиќ по натпреварот. Тој појасни дека ова бил свесен ризик со кој сакал да ја фати Висла неспремна, бидејќи Вардар не ја користел оваа тактика на првите два меча во Лигата на шампионите. Сепак, планот им се удрил од глава, што резултирало со разбивање на сопствената одбрана и губење на контролата врз резултатот. Наместо да го изненади противникот, Вардар останал без цврста одбранбена структура, што полскиот тим го искористил максимално. Чупиќ не штедеше пофалби за противникот, потенцирајќи дека Вардар се судрил со екипа која е специјализирана токму за деструкција на противничките напади. „Тие се единствената екипа која плаќа тројца или четворица играчи само за да играат одбрана, и тоа јасно се гледа на теренот. Немавме решение за нивната агресивност. Нападот ни се уморуваше многу брзо. Можеби најопасни бевме кога игравме со четири бека, но тие ротации бараат огромна енергија. Преземам целосна одговорност за периодот кога ни побегнаа на седум разлика – тука мечот беше решен“, додаде предводникот