Царинската управа доби четири милиони евра од ЕУ за возила, опрема и дигитализација
FinPortal.mk · 14.9.2026 г.
Царинската управа на Северна Македонија доби поддршка од Европската Унија во вредност од четири милиони евра, наменета за зајакнување на капацитетите во борбата против организираниот криминал и недозволената трговија. Средствата, како што соопштија од Делегацијата на ЕУ во земјава, опфаќаат набавка на возила и современа опрема, како и информатичко-технолошка инфраструктура што треба да ги зајакне контролните механизми на царината. Според деталите од соопштението, станува збор за 21 возило наменето за мобилната единица и уште пет возила за единицата К-9, како и за форензичка опрема. Овие ресурси, како што е наведено, ќе ги зајакнат капацитетите на царината за борба против организираниот криминал што влијае на трговијата и синџирите на снабдување. Од Делегацијата на ЕУ објаснуваат дека со зголемувањето на трговијата се зголемува и нелегалното движење на стоки, возила и луѓе, што ги прави методите на царинска измама и шверц пософистицирани. Затоа, како што оценуваат, важно е системите за царинска контрола да се зајакнат за да се спречат и откријат царинските измами и нелегалната трговија со стоки, а воедно да се олесни трговијата и да се постигне вистинско партнерство со деловната заедница. Покрај возилата и форензичката опрема, поддршката од Европската Унија вклучува и ИТ опрема поврзана со надградената серверска просторија во главното седиште на царината. Софтверот, како што информираа од Делегацијата на ЕУ, поставува нов унифициран систем на корисници за управување со економските оператори во земјата, односно единствен број за регистрација и идентификација (ЕБРИ) и дигитален потпис. Овие капацитети за царинење финансирани од ЕУ, како што е наведено, им ја олеснуваат работата на компаниите со Европската Унија. Во соопштението се оценува дека Европската Унија е најголемиот трговски партнер на Северна Македонија, сочинувајќи 76 отсто од нејзиниот извоз, а побрзото движење на стоките им помага на бизнисите да се справуваат со царинските процедури поевтино и поефикасно,