Бостон го совлада Њујорк, Никси првпат по 15 години почнаа со два порази како актуелен првак
Автор: Редакција на FinPortal.mk ·
Актуелниот шампион на НБА лигата, Њујорк никс, сезоната ја започна со два порази по ред, откако вечерва на гости загуби од Бостон со 107-103. Ова е првпат по 15 години актуелен првак да тргне со 0-2 на стартот од новата сезона — вакво нешто последен пат се случило во сезоната 2011/2012, кога тогашниот шампион Далас започна со три порази по ред. Џејсон Тејтум беше клучната фигура во триумфот на Селтикс со 36 поени, со што не дозволи Бостон да загуби на својот прв натпревар сезонава пред домашната публика. Њујорк, пак, не успеа да ја избегне втората загуба и останува без победа на стартот од бранењето на титулата. Вечерта во НБА лигата донесе и неколку драматични натпревари. Во Сан Франциско, Вориос водеа со 106-94 на три и пол минути до крајот против Мемфис, но Гризлис успеаја да направат пресврт со серија од 17-2 и на крајот славеа со 111-108, шокирајќи ги домаќините. На тексашкото дерби, Хјустон беше подобар од Сан Антонио со 114-110, а клучен момент и потег на вечерта беше блокадата на Ејмен Томпсон над џинот Виктор Вембањама на две секунди до крајот при резултат 112-110. Токму таа блокада го реши победникот во Сан Антонио и ја одбележа вечерта. Детроит со 128-111 славеше во Мајами, па сега Хит, кој летово се засили со Јанис Адетокумбо, е на 0-2. Мајами има проблем со одбраната, па џабе беа 36-те поени и 12-те скока на Јанис, кој првпат во кариерата ги губи првите два меча во една сезона. Мајами на првите два натпревари сезонава прими вкупно 259 поени, што е негативен клупски рекорд. Никаква неизвесност немаше во Шарлот, каде домашните беа разбиени од Атланта со 81-128. Ова е најубедлива победа во историјата на Хокс. Вечерта ја одбележа и седмиот пик на драфтот, Дариус Акуф јуниор, кој уфрли 33 поени во поразот на Сакраменто од Портланд и стана прв дебитант сезонава кој дал над 30 поени. Блокадата на Ејмен Томпсон над Вембањама беше потегот што го одлучи победникот во Сан Антонио, а НБА лигата ја сподели и видео-снимката од тој момент од сите агли. Со овие резулта