Бил Гејтс предупредува на милијарда жртви од вештачката интелигенција, но неговата репутација е веќе нарушена
FinPortal.mk · 30.9.2026 г.
Бил Гејтс повторно е во центарот на јавноста. Кокоосновачот на „Мајкрософт“ во интервју за Ен-Би-Си во неделата изјави дека вештачката интелигенција, доколку остане неконтролирана, може да предизвика „милијарда смртни случаи“. Предупредувањето доаѓа во момент кога Гејтс, по период на повлекување, повторно се обидува да се наметне како релевантен глас за иднината на технологијата. Сепак, прашањето што се наметнува не е дали Гејтс знае нешто за технологијата — туку дали неговиот суд воопшто може да се земе здраво за готово. Неговиот внимателно граден јавен имиџ беше нарушен откако излезе на виделина неговата поврзаност со Џефри Епштајн. Гејтс се сретнал со Епштајн неколкупати откако му бил претставен во 2011 година — три години откако финансиерот се изјаснил за виновен по обвиненија меѓу кои и наведување малолетничка на проституција. Гејтс, кој не е обвинет за вмешаност во злосторствата на Епштајн, изјавил дека бил „свесен оти Епштајн имал претходни правни проблеми“, но не ја разбрал нивната тежина. Колумнистката на „Гардијан“ Аруа Махдави потсетува дека две минути пребарување на интернет можеле да му разјаснат дека станува збор за човек со сомнително минато. Таа оценува дека превидот е особено чуден ако се знае колку Гејтс е опседнат со својот јавен имиџ — неговиот тим дури има и манекен по мерка на кој ги тестира неговите облеки, со цел, како што објавил „Волстрит џурнал“, да го прикаже како смирен и пристапен човек. Гејтс имал и дополнително објаснување за средбите со Епштајн: дека тој „познавал многу богати луѓе“ и тврдел дека може да ги наведе да донираат за глобалното здравје. Махдави забележува дека е чудно што 17-тиот најбогат човек во светот немал свои познаници меѓу богатите од кои би побарал донации, туку морал да се потпре на сомнителен финансиер. Заклучокот на колумнистката е јасен: таа не го обвинува Гејтс за никакво злосторство, но ако неговите објаснувања се земат здраво за готово, тогаш го обвинува за наивност. Ако не може да се верува на неговиот суд