Бесплатна вакцинација против сезонски грип — почна имунизацијата на ризичните групи
Автор: Редакција на FinPortal.mk ·
Од денеска во земјава почна вакцинацијата против сезонски грип, а бесплатната имунизација е наменета за ризичните категории граѓани. Во вакциналните пунктови се имунизираат хронично болни лица, граѓани над 65 години, бремени жени и здравствени работници, јавуваат од здравствените власти. Според информациите, граѓаните преку СМС-порака се информираат каде и кога ќе можат да ја примат вакцината. Во земјава веќе пристигнале првите 30.000 дози, а до 15 ноември се очекува и втора пратка од 26.000 вакцини. Се очекуваат и дополнителни количини, со што вкупниот број и годинава, како и лани, би достигнал 80.000 дози. Досега преку платформата vakcinacija.mk се пријавиле повеќе од 50.000 граѓани, а здравствените власти очекуваат дневно вакцина да примаат околу 1.000 лица. Првата пратка се состои од 30.000 јужнокорејски вакцини обезбедени преку заем, а станува збор за тривалентна вакцина одобрена од Светската здравствена организација. Доктор Сања Цилевска Младиновска од пунктот за имунизација „Бит Пазар“ појасни кои се категориите со најголем ризик од потежок тек на болеста. „Ризични групи се оние групи кај кои е поверојатно дека вирусот инфлуенца ќе предизвика компликации или некој посериозен исход. Тоа се пред сè повозрасните граѓани над 65-годишна возраст, граѓани кои имаат хронични заболувања, трудници, деца од шест месеци до пет години и здравствените работници кои се професионално изложени“, изјави таа. Таа нагласи дека по вакцинацијата се потребни две до три недели за организмот да создаде доволна концентрација на антитела. „И покрај тоа што граѓаните се вакцинираат, може да заболат од грип, така што вакцината штити пред сè од компликации и од посериозен исход, хоспитализација и слично“, рече Цилевска Младиновска. Лекарите препорачуваат и дополнителни мерки на заштита, особено за ризичните групи — избегнување затворени простории со голема циркулација на луѓе, носење маска, особено при посета на здравствени установи, и редовно миење раце. Покрај вакцинацијата во пунктовит