Баерн без Нојер на гостувањето кај Викинг, Урбиг на голот
Автор: Редакција на FinPortal.mk ·
Баерн Минхен ќе го одигра вечерашното гостување кај норвешкиот Викинг во Лигата на шампионите без својот прв голман Мануел Нојер. Тренерот Венсан Компани потврди дека искусниот чувар на мрежата нема да биде во составот, откако почувствувал непријатност во ногата. Баварците одлично ја започнаа европската кампања со убедлив триумф од 5-0 над Бодо/Глимт, но сега ги очекува гостување на кое ќе мора да се снајдат без својот прв голман. Отсуството на Нојер доаѓа само три дена по ремито 2-2 против Аугсбург во Бундес-лигата, на кое 40-годишниот голман направи две сериозни грешки. Сепак, Компани нагласи дека одлуката да го изостави не е казна за неговиот настап, туку претпазлива мерка поради физичкиот проблем. „Мануел не можеше да тренира. Почувствува нешто во ногата, па веднаш стана јасно кој ќе биде на голот. По натпреварот со Аугсбург дознавме дека има одредена непријатност. Никогаш не можеш да знаеш колку време ќе биде потребно за да се надмине ваков проблем, но откако не успеа да тренира во последните два дена, нема причина да ризикуваме“, објасни Компани. Тренерот на Баерн избегна да зборува за конкретна повреда, но потенцираше дека нема да го изложува својот голман на дополнителен ризик. „Не сакам да го наречам тоа повреда, но кога чувствуваш нешто и состојбата не се подобрува, во одреден момент мораш да преземеш мерки. Ќе го направиме тоа без да ризикуваме ако не е подготвен 100 проценти“, додаде белгискиот стратег. Место на Нојер меѓу стативите ќе заземе 23-годишниот Јонас Урбиг, кој летото минатата година пристигна во Минхен од Келн. Младиот голман се смета за еден од потенцијалните наследници на легендарниот чувар на мрежата, а неодамна го имаше и своето деби за германската репрезентација во победата од 2-0 над Србија. За Урбиг ова ќе биде трет стартен настап за Баерн во тековната сезона, а Компани верува дека ваквите натпревари се важни за неговиот развој. „Работиме со Јонас уште од моментот кога пристигна од Келн. Сè се одвива според планот. Ги добива минутите ш