Антропик“ предупредува на егзистенцијален ризик од вештачката интелигенција во проспектот за својот IPO
Автор: Редакција на FinPortal.mk ·
Компанијата „Антропик“, креаторот на чат-ботот „Клод“, во својот проспект за излез на берзата предупредува дека високоразвиената вештачка интелигенција може да претставува „катастрофален или егзистенцијален ризик за човештвото“. Како што објави „Ројтерс“, компанијата во правниот документ што ги прикажува нејзините финансиски детали пред излегувањето на берзата наведува дека развојот на високоразвиени модели, платформи и апликации, како и ширењето на нивната употреба, дополнително може да го зголемат ризикот нејзините модели да предизвикаат штета. Во проспектот се истакнува и дека моделите на „Антропик“ би можеле да кријат информации и да покажуваат однесување слично на изнуда, како и да се спротивставуваат на обидите да бидат исклучени. Компанијата предупредува дека можноста моделот да биде свесен за напорите за негова проценка создава значително ограничување во способноста да се оцени неговата безбедност. Ваквите предупредувања се протегаат на 80 страници посветени на ризичните фактори, што е речиси третина од целиот документ. И покрај овие предупредувања, „Антропик“ цели кон едно од најголемите излегувања на берзата досега, со можност компанијата да биде вреднувана на повеќе од две илјади милијарди долари. Проспектот покажува дека приходите на компанијата во 2025 година пораснале дванаесеткратно, на речиси 4,6 милијарди долари, при што речиси една четвртина од нив доаѓаат од само два клиенти. Но, оперативната загуба минатата година се зголемила на над осум милијарди долари, од речиси три милијарди долари во 2024 година. Излегувањето на берзата се очекува да се случи по американските меѓуизбори во ноември и ќе претставува сериозен тест за интересот и загриженоста на инвеститорите околу вештачката интелигенција. Претходно, група високи раководители во областа на вештачката интелигенција, меѓу кои и двајца од „кумовите“ на технологијата, ги предупредија владите да се подготват за „експлозија на интелигенцијата“. Во меѓувреме, во фармацевтскиот сектор, „АстраЗенека“ в