Антропик“ бара до 64 милијарди долари на берзата во Насдак

Компанијата за вештачка интелигенција „Антропик“, која стои зад чат-ботот „Клод“, планира да собере до 64 милијарди долари преку берзанско претставување на њујоршката берза Насдак. Компанијата, која работи со загуба, соопшти дека ќе ги понуди своите акции по цена меѓу 70 и 78 долари во рамки на првичната јавна понуда (IPO), која се очекува да се реализира овој месец.

Претставувањето доаѓа во нестабилен период за компаниите од областа на вештачката интелигенција. По минатонеделните американски меѓуизбори, Насдак остро падна поради загриженоста дека Конгресот предводен од Демократската партија би можел да го забави развојот на технологијата и изградбата на инфраструктура како што се центрите за податоци. Постојат и пошироки стравувања околу милијардите долари што се трошат за вештачка интелигенција и дали тие ќе се исплатат.

Фиона Чинкота, висока пазарна аналитичарка во „Сити индекс“, изјави дека сумата што „Антропик“ сака да ја собере е „прилично оптимистична“ во услови на „нестабилноста и загриженоста кон вештачката интелигенција што ги видовме, особено минатата недела“.

Планот на „Антропик“ доаѓа по глобалниот пад на берзите, кога стравувањата од забавување на американската вештачка интелигенција се проширија кон Азија и Европа, објавено пред три дена.